Iconi pop tra storii e ‘nstallazzioni di luci nta n’espirienza multimediali suggittiva a Palermu. “Iconic Women” itinerariu artìsticu ca esplora l’universu di l’iconi pop attraversu la visioni di l’artista sicilianu Domenico Pellegrino, ca ridisigna cu luci e culura figuri fimminili ca hannu lassatu n’impronta duratura ntâ fantasia cullittiva.
Fimmini icònichi e facilmenti arricanuscibbili, di Raffaella Carrà a Frida Kahlo, di Madonna a Marilin, di Moira Orfei a Regina Elisabetta, di Santa Rusalia a Franca Florio nzinu a l’infirmabbili Wonder Woman, sìmmulu cuntimpuraniu di forza e ‘mpurtanza. L’icuni pigghiunu vita e s’intriccianu nta chistu eventu attraversu “Ètuttaapparance” di Eleonora Lombardo: nu jocu di narrazzioni ca cria mappi narrativi, sfidannu li litturi a supirari l’idèa ca li corpi dê fimmini sunu simplicimenti carni e ossa. La spirienza è ultiriurmenti arricchita di na silizzioni musicali supra dischi ‘n vinili, curata di Donatella Sollima, dirittrici artìstica di l’Associazzioni Siciliana Amici dâ Musica, chi cumpleta pirfittamenti l’atmusfera sinsurìali dâ mustra.
La mustra offri l’opportunità di aumintari la riti culturali e di prumòviri lu dialugu cô pùbblicu. Attraversu l’iniziativa #MaquedaContemporanea, li Donni Icònichi sunu nu ponti ntâ nu percorsu virtuosu ca unisci li principali posti culturali e artistici dô centru stòricu. È n’espirienza multisensoriali ca rindi omaggiu ê figuri fimminili ca signaru prufunnamenti l’immaginazzioni cullittiva.
Finu ô 3 nuvèmmiru 2024, la mustra pò èssiri visitata ogni jornu dê 10.00 ê 13.00 e dê 16.00 ê 19.00. Dô 4 nuvèmmiru 2024 ô 4 maggiu 2025 la mustra sarà aperta ê visitaturi sulu lu sàbbutu e la dumìnica dê 10.00 ê 13.00 e dê 15.00 ê 19.00.
Dô 8 ô 11 nuvèmmiru, ‘n cumminazzioni ô Festival Sherbert 2024, li visitaturi ponnu accèdiri â mustra a nu prezzu spiciali di 4 euro (ô postu di 6 euro), arricuogghiennu lu buono ntê punti d’infurmazzioni dû festival.
