Gibbillina, la città siciliana cu na longa storia di rinascita e spirimintazzioni artistica, fu pruclamata “Capitali Italiana di l’Arti Cuntimpurania” pû 2026. Sta mpurtanti dinuminazzioni, annunciata lu 31 di uttùviru dû Ministru dâ Cultura Alessandro Giuli, signa nu puntu mpurtanti pi Gibbillina , aprìnnu li porti a n’annu di prugrammazzioni curturali ‘ntensa. Chistu tìtulu pristìggiusu rapprisenta n’opportunità pi migliorari lu riccu patrimoniu artìsticu dâ città e prumòviri lu sò rolu di centru culturali ntirnazziunali.
La cirimonia di pruclamazzioni, chi si tinni a Roma, vitti la participazzioni di rapprisintanti dî cincu città finalisti – Carrara, Gallarate, Gibbillina, Pescara e Todi. Gibbillina cunquistau la giuria pâ sò capacità di riattivari lu sò straurdinariu patrimoniu artìsticu cu nu pruggettu urganicu e nnovativu, ca unisci passatu e futuru e migliora la città comu spazziu di rigginirazzioni culturali. La giuria arricanuscìu lu mèritu di Gibbillina pi cumminari la mimoria stòrica e l’ambizzioni ntirnazziunali, pi coinvolgiri attivamenti li cittadini e pi criari nu dialugu inclusivu ca s’interroga supra lu significatu dô spazziu pùbblicu e dô patrimoniu cumuni.
Lu tìtulu di “Capitali Italiana di l’Arti Cuntimpurania”, istituitu st’annu dû Ministeru dâ Cultura pi prumòviri e sustiniri li città italiani ntô campu di l’arti cuntimpurània, è accumpagnatu di nu cuntribbutu statali di nu miliuni di euru. Gibbillina sarà quinni capaci di lanciari, pi n’annu interu, na sèrii di mustri, festival e ricinsioni ca fannu dari vita ê sò strati e spazzi comu posti d’incontru tra artisti, cittadini e visitaturi ntirnazziunali. Lu pruggettu vincituri, ntitulatu “Portami il Futuro”, sarà nu viaggiu nta l’arti cuntimpurània ca non è limitatu ô piaciri passivu ma mira a coinvolgiri attivamenti la cumunità ntâ custruzzioni di na visioni cunnivisa dô futuru.
Attraversu l’interventi e l’iniziativi di rigginerazzioni urbana ca vannu dô ristauru â chianificazzioni culturali, Gibbillina si pripara a addivintari nu labburatoriu d’arti cuntimparània apertu a tutti. La suttasicritaria pâ cultura, Lucia Borgonzoni, suttaliniò l’impurtanza di stu ricanuscimentu, cunsidirannulu n’opportunità di sviluppu pâ cumunità e n’opportunità pi mettiri n evidenza l’eccillenza culturali e criativa dô tirritoriu.
Cu stu tìtulu, Gibbillina putirà cunsulidari lu sò rolu di centru di nnuvazzioni culturali n Sicilia, prujittannusi versu na diminzioni sempri cchiù ntirnazziunali. Pi la citati, ca di quannu lu tirrimotu di Belice scigghiu di arrisurgirisi attraversu l’arti e la cultura, stu tìtulu rapprisenta lu ricanuscimentu dâ sò identità comu “città-òpira” e n’invitu a cuntinuari nu percorsu chi cilibbra l’arti comu nu bonu strumentu cumuni e di rigginirazzioni .
