Palermu sta vivènnu na rinascita appassiunanti lijata ê sò rapporti cû mari, ca addivintau nu sìmmulu di tradizzioni e nu muturi di sviluppu pâ città. Lu mari di Palermu nun è sulu n’elimentu paisaggisticu, ma na risursa ca cuntribbuisci â crìscita ecunòmica, suciali e culturali, trasfurmannu la cità nta nu puntu di rifirimentu pô turismu. Chistu canciamentu è possìbbili grazzi â sinergìa ntra istituzzioni lucali, ‘mprinditura e upiratùra dû settori.
Lu cori battenti di sta trasformazzioni è rapprisintatu dê novi pruggetti fatti di l’Autorità Portuali di Palermu, ntra cui lu Molo Trapezzoidale. Sta nfrastruttura muderna ripurtau â vita li rapporti tra la cità e lu mari, nun sulu pî turisti, ma macari pî genti palirmitani, ca ora ponnu godiri dû mari a nu passu dâ casa. La rinascita non è limitata a Mondellu, ma abbrazza tutta la costa, di Mondellu finu all’aria miridiunali dâ città, uffrennu novi spazzi vitali ê cittadini e ê visitaturi.
Lu mari di Palermu, nfatti, sta addivintannu sempri cchiù na risorsa ecunòmica, cu li sò spazzi custieri ca attìranu mprinnitura e upiratura lucali, ma puru locu di scuperta e biddizza pî turisti. Nta stu scinariu di crìscita e canciamentu è nsertu l’eventu “Il mare di Palermo: opportunità e sfide per il Turismo”, ca si teni lu 19 di dicèmmiru 2024, di li 10:00 a li 13:00, ô Cruise Terminal di Palermu, ntâ nova Stazzioni Marittima. N’opportunità unica pi parrari di chisti opportunità cu esperti, istituzzioni e operaturi dô turismu marittimu.
L’eventu, ca cumprenni na seri di ntirventi istituzzionali e discussioni animati, non si limita a nu sèmplici dibattitu: offrirà macari nu mumentu artisticu a surprisa, pi cilibbrari lu ligami tra l’arti, la cultura e lu mari. ‘N occasioni dû quattrucentèsimu Festinu di Santa Rusulìa, l’ospiti arricìveranu na spilla cummimurativa criata ‘n cullabburazzioni cu l’ECU – Univirsità Europea della Cultura e lu Dipartimentu dû Turismu dû Cumuni di Palermu. Nu sìmmulu chi rapprisenta la fusioni tra tradizzioni e nnuvazzioni, uniennu lu passatu e lu futuru dâ città.
Sta manifistazzioni è pussìbbili grazzi a l’impegnu dû Cumuni di Palermu, rapprisintatu dû cunsiggheri Alessandro Anello, e dâ cullabburazzioni di Francesco Panasci, mprinnituri di cumunicazzioni e upiraturi culturali, c’hannu junciutu li forzi pi fari di Palermu nu mudellu di sviluppu sustinìbbili e culligatu ô mari.
“Il mare di Palermo racconta rinascite e disegna il futuro” è lu tema ca accumpagna tutta la jurnata, n’opportunità di crìscita e cunnivisiuni ca signarà nu passu funnamintali versu nu futuru prusperu pâ città.
Nun perdiri l’opportunità di fari parti di sta visioni e participari a n’eventu ca non sulu celebbra la biddizza dû mari, ma guarda macari lu sò rolu cintrali ntô futuru di Palermu.
