Farfallette cu salmuni

Siamu ‘nvernu, putemu manciari cchiù pisanti e pirciò oggi, 16 dicèmmiru 2024, vi prisintu la ricitta cchiù di l’anni ’80 ca nun pò èssiri cchiù di l’anni ’80; eccu, pi tia e pi mia… Farfallette cu Salmuni.

Nasciutu nta l’anni ’80, quannu si mittìa puru la panna nta l’insalati, è ancora nu piattu assai pupulari e di sicuru bonu di manciari.

Di sutta ci sunnu li ngridienti pi 4 pirsòni:

• 200 gr. di salmuni affumicatu, forsi nativu nurviggisi;
• 1 mattuni di panna;
• Cognac o brandy o whisky o friscaletti;
• 1/2 cipudda d’oru/jancu;
• ogghiu EVO;
• sali a gustu;
• 400 gr. di Farfalli;
• Pasta di pumadoru a gustu;
• Ova di pisci grumi.

Prucidura:

1. Tagghiamu lu nostru beddu salmuni a pezzi non troppu nichi;
2. Sbucciari, pulizziari e tagghiari finamenti la cipudda. Nta na padedda spargimu n’ogghiu EVO e juncimu la cipudda. Friggiamu tuttu e juncimu lu salmuni;
3. Quannu è ben russu, putemu agghiùnciri lu spìritu cchiù piacèvuli ô palatu, e si avemu nu pocu di curàggiu putemu macari usari n’accendino a gas pi flambé;
4. Si usasti la tecnica dû flambé, li vigili dû focu prubbabbirmenti stannu spennennu lu focu ntâ cucina, aspittanu ca finisciunu lu travagghiu, li ringrazianu, pàgghianu la multa e cuntinuanu a cucinari;
5. Aggiungiri nu pocu di pasta di pumadoru, bastarà na cucchiara;
6. Ti scurdai di diri di fari vugghiri n’acqua pi cucinari la pasta ma di sicuru l’avìsti già fattu pirchì tu sì bonu;
7. Quannu la pasta è pronta, juncirila ô salmuni ntâ padedda, junciri la panna e ammiscari tuttu nzèmmula, juncènnucci n’ataccu d’acqua di cucina e, si ti piaci, nu pizzuddu di nuci muscata, ca non fa mali;
8. Sirviri la Farfallette dû salmuni ‘n manera criativa e agghiùnciri na manciata di ova di pisci pi nu risultatu finali dicisamenti gustusu.

Ntâ pubblicazzioni di sta ricitta nun fu danneggiatu nuḍḍu salmuni. Quarsiasi riferimentu a pisci o genti è sulu cuincidenti.

Goditi lu pastu.

Traduzione a cura di Andra Bertolino