A Carbunara

Chi fariemu senza unu dî piatti cchiù boni dâ cucina italiana? Picca ngridienti e assài passioni ci dùnanu n’espirienza di gustu. Ccà Carbonara veni ‘n soccorsu ntê mumenti bui di na jurnata particularmenti stressanti o quannu volemu sulu viziari lu nostru palatu.

Sutta truvate la ricetta pi 4 pirsuni ca ci piaci manciari beni e assai.

CONZA:

• 300g di guanciale beddu sivusu
• 4 ova frischi
• 100 g di furmagliu picurinu semi-maturu a grattari
• grani di pipi
• 1/2 kg di paccheri (si pò usari la forma di pasta ca ci piaci cchiùassai)

PRIPARAZZIONI:

1. Comu primu passu, facìamu vugghiri n’acqua pâ pasta accussì putemu cuncintrari megghiu a priparari la nostra conza. Salati l’acqua picca, non troppu pirchì la salsa sarà abbastanza gustusa.
2. Accuminciamu a pulizziari lu nostru beḍḍu guanciale livannu lu grassu eccessivu (ovviamenti si nun suffri di culistiroli jautu comu a mia lu po mantèniri facilmenti). Pigghiamu na bella padedda granni e lassamu “sudari” la guanciale. Quannu arrivau a na cunsistenza abbastanza cruciusa, lu sguassati dû focu e lu mettiti supra carta assurbenti; accussì dipusitarà lu grassu eccessivu e sarà cchiù cruciusa. Nun buttari lu grassu ca arrista ntâ padedda ma lassarlu arrifriscari picca pirchì ci serbi doppu.
3. Mentri lu grassu si rinfrisca ntâ padedda, accuminciamu a priparari chiḍḍu ca oggi ci piaci chiamari “carbocremina“. Siparamu lu gialli dû jancu e sbattemu li gialli nzinu a quannu addivèntanu omuggènii (lu jancu nun s’avissi a buttari, nun ci piaciunu li rifiuti, nfatti vi cunsigghiu di sarbàrilu pi quarchi duci unni vi servi si sbattu finu a quannu è rigidu o si mantèni ntô frigorifero e si fa na frittata doppu). Rumpiri lu pimentu a grani (si prifirisci si pò usari chiḍḍu già macinatu) e junciri nu pizzuddu a l’ovu.
4. Ora grattati lu to pecorino semi-staggiunatu e juncilu ô gialli d’ovu battutu nzinu a quannu non si cria na cremina vera. Ccà, però, arriva la parti cchiù bella: si pò agghiùnciri lu grassu ca si lassau pi rinfriscari ntâ padedda, e la cremina addiventa 20 voti megghiu.
5. L’acqua pâ pasta è vugghiuta accussì si pò junciri li paccheri. Cuociutili al dente pirchì finisciunu di cucinari doppu.
6. Sciacquari la pasta e buttarila ntâ padedda unni cucinasti la guanciale. Mmiscari beni e spegniri lu focu. Aspitta sulu nu minutu e accumincia a virsari lu carbocremina ntâ pasta. Mmiscari tuttu ‘nzemi finu a quannu è beddu e pannatu e accuminciari a placcari.
7. Ntô vostru piattu, agghiunciti il guanciale e ci daiti na grattatura finali e ginirusa di picurinu e voilà… eccu la Carbonara pi gustarisi cu l’amici e li parenti.

Nu giru di applausi pi tia e pi la Carbonara.

Goditi lu pastu.