Immaggina di putiri viaggiari ntô Giappuni mentri stai a Palermu. Chistu è chiddu ca succedi lu sàbbutu 11 di jinnaru quannu lu rituali suggittivu di “Kagami Biraki” – littiralmenti “apirtura dû specchiu” – trasfurmarà lu centru culturali Xinergie (Chiazza Sant’Anna, 3) nta n’àngulu di l’Orienti. Na cirimonia antica, china di simmulismu, ca veni dû munnu dî samurai a nuatri pi cilibbrari l’inizziu dû 2025.
Di li 15:00 ê 18:00, lu centru aprirà li porti a nu viaggiu sensuriali unicu, unni la maestà di l’arti marziali s’intriccia câ raffinatezza dâ cultura giappunisi. Pi la secunna vota cunzicutiva, Palermu si pripara a ospitari n’eventu ca prumetti di lassari li spittaturi senza fiatu, cu manifestazzioni muzzafiatu e mumenti di prufunna cunnissioni câ tradizzioni urientali.
Lu “Kagami Biraki” s’aprirà ufficialmenti cû maestru Marco Carella ca aprirà l’eventu cu na dimostrazzioni ntirissanti di autudifisa. Seguirànu li ntirventi di l’esperti V. Li Greci e G. Giannone, ca guidarunu li visitaturi pi scopriri li sigreti dâ scrittura e dâ puisìa giappunisi. Ma è quannu lu gruppu Shinken scinnirà ntô campu chî sò spittaculari esibbizzioni di Aikido ca l’atmusfera addiventa elèttrica, seguita dâ assài rara dimostrazzioni di Tenshin Shoden Katori Shinto Ryu. Lu maestru Antonio Corrao cumpletarà lu quatru di l’arti marziali cu n’affascinanti ntruduzzioni ô Taiji.
Pi fari la spirienza ancora cchiù immersiva, lu putenti ritmu dê tammuri taiko dô gruppu Wadaiko Sicilia, guidatu dô maestru Luca Micale, accumpagnarà chiddi prisenti pi chistu viaggiu culturali. Lu granni finali vidirià nu labburatoriu coriogràficu suggittivu di armi tradizziunali giappunisi (Kembu), ligatu ô pruggettu “Musashi, born to become a legend”, mentri C. Bolletino ‘ncantarà lu pùbbricu cu n’esibbizzioni artistica didicata ê storii di l’Aikido.
L’ingressu è gratuitu, ma lu valuri di l’esperienza è priziosu. Sia ca si è n’appassiunatu di l’arti marziali, n’amanti dâ cultura urientali o simplicimenti curiusu e ca cerchi quarchi cosa di diversu, chistu eventu prumetti di èssiri unu di chiḍḍi mumenti ca non ca nun si scurdunu facilmenti. N’opportunità unica pi accuminciari l’annu novu immergennusi nta n’atmusfera unni tradizzioni, ntrattinimentu e cultura si mischiunu nta n’espirienza irripitibbili ntô cori di Palermu.
Pi cchiù nfurmazzioni, si pò cuntattari lu centru culturali Xinergie ô nùmmaru 327 9433563
Prugramma di attivitati
