La cumpagnìa tiatrali Araldo del Vespro misi ‘n scena di picca lu terzu spittàculu dâ ricinsioni tiatrali Memoria, ntitulata La vecchia dell’aceto. L’òpira, ispirata ô cèlibbri rumanzu di Luiggi Natòli, vincìu lu pùbbricu cu n’esibbizzioni SUCCISSUNI lu 19 di jinnaru 2025 ô Tiatru Don Bosco Ranchibile di Palermu.
Lu spittàculu traspurtàu li spittaturi nna na Palermu affascinanti e scura, unni l’ambiguità e lu misteri sunnu ô centru di na trama ammucciata d’inganni e viulenza. Lu prutagunista Giuvanna Bonannu, ntirpritatu di Francesca Mennella, è nu pirsunaggiu enigmàticu e tintu, la cui crudeltà si manifesta attraversu n’acitu murtali ca pruvucarà nummarusi vìttimi. La storia si svolgi nna n’atmusfera tinsa e suspinsiva, mantinennu l’attinzioni dû pùbbricu auta ‘nzinu all’urtimu attu.
In foto, Francesca Mennella interpreta la vecchia.
La dirizzioni di l’òpira è affidata a Giuseppi Bongiorno, canusciutu pâ sò capacità di cuntari storii ntirissanti e suggistivi. Laureatu nta l’arti dô spittaculu ntô Teatro Biondo, Bongiorno arriniscìu a criari n’equilìbbriu pirfettu tra tradizzioni e nnovazzioni, arriniscennu a trasmèttiri cu forza li temi univirsali di l’inganni, dâ vindicata e dâ ridizzioni. La sò littura dû testu di Natoli si distingui di n’attinzioni minuzziusa ê dittagghi e di n’interpretrazzioni ca non sulu rivisita lu passatu, ma invita macari a riflèttiri supra la sucità cuntimpurània.
Lu rassegna Memoria, ca cuntìnua cu granni successu, si cunferma comu n’abbinimentu nun pircàbbili pi l’appassiunati dû tiatru. Ogni spittàculu è n’opportunità pi esplurari la cultura siciliana, affruntannu temi prufunni e univirsali ca stìmulanu la riflissioni suciali. L’organizzaturi prumettunu di cuntinuari pi chista strata, purtannu novi òpiri ntô palcu ca entusiasmanu e coinvolgunu lu pùbblicu.
Pi nfurmazzioni supra li prossimi spittàculi, si ponnu cuntattari lu nùmmaru 3892996221
