Palermu òspita la prima sosta dâ mustra itineranti “Liberi di essere”, n’installazzioni artìstica di Monica Moncada ca esplora li temi di l’idintitati, dâ libbirtati e dû rispettu. La mustra, ca va di l’11 ô 31 di jinnaru, è aperta tutti li jorna di l’8:30 a li 18:30 ô Centru Ntirnazziunali di Fotografia Letizia Battaglia, situatu ô nternu dû Cantieri Culturali â Zisa.
“Lìbbiru d’èssiri” è na riflissioni supra l’impurtanza di l’autuditirminizzazzioni e l’affirmazzioni dû propriu èssiri, chiuttostu ca addiriri a chiḍḍu ca unu è “custrittu” a divintari. Li fotugrafìi ‘n mostra cuntunu la storia dû viaggiu di ogni cristianu versu lu ricanuscimentu dî sò talenti e la difinizzioni di l’obbiettivi dâ vita incentrati ntâ libbirtà pirsunali.
N’elementu distintivu di chista mustra è lu “muru lìbbiru”, nu spazziu ca s’arricchisci ogni jornu grazzi ê cuntribbuti dê visitaturi. Chiunque pò participari mannannu la sò fotografìa ca rapprisenta lu cuncettu di libbirtà, trasfurmannu accussì la mustra nta na narrazzioni dinàmica e ntirattiva, nu mosaicu cullittivu di espressioni pirsunali.
‘N linia cu l’approcciu participativu dâ mustra, Monica Moncada coinvolsi àutri “sunnaturi lìbbiri” ca cunnivìdunu li sò talenti e li sò storii duranti li ‘ncontri e li workshop. Nu calendariu di attivitati arricchisci la spirienza dô pubblicu, criannu opportunità pi discussioni e crìscita criativa.
Pi cunsultari lu prugramma cumpletu di l’eventi e participari a l’attivitati, si pò scriviri a spazioliberidiessere@gmail.com.
La mustra è n’invitu a riflèttiri supra lu significatu dâ libbirtà ‘nnividuali e la forza di custruiri n’identità autentica, nta nu cuntestu di apertura e inclusività.
