Na straurdinaria mustra didicata a Pablo Picassu, unu dî cchiù granni artisti dû XX sèculu, attuarmenti ntô Palazzu Riali di Palermu, cilibbrannu la sò arti nti tutti li sò formi: pittura, ciràmica, litugrafìi e fotugrafìi “Cilbrannu Picassu. Capulavori dû Kunstmuseum Pablo Picassu di Münster” offri un viaggiu affascinanti attraversu 84 òpiri ca cùntanu la vita e l’òpira dû Maestro, grazzi â cullabburazzioni tra la Fondazione Fiderico II e lu Kunstmuseum di Münster, cu prestiti puru di pristìggiusi istituzzioni comu lu Museu Picassu a Antibe e lu Mart a Trentu.
La mustra, aperta nzinu ô 4 maggiu 2025, esplora li tanti sfaccittaturi di Picassu, di l’artista rivuluzziunariu ô patri e l’amanti, cuntannu la sò evuluzzioni artìstica, ma macari la sò vita privata. Tra l’òpiri ‘n mostra ci sunnu li ritratti dî sò picciriddi, li sò abbanniati culombi ca simmulìzzanu la paci, la sò passioni pâ corrida e la sò ciramica ‘ncunfusìbbili. Inoltri, li fotugrafìi di David Douglas Duncan ci dùnunu n’idea ìntima dâ vita di Picassu, immortalizzannu li mumenti affittusi chê sò picciriḍḍi, la sò cumpagna Jacqueline e lu sò amuri pi l’armali, comu lu abbanniatu bassottu Lump.
Pi cumpletari la spirènzia, tri vìdiu arricchisciunu lu percorsu dâ mustra: nu messaggiu di Olivier Widmaier Picassu, n’intervista cô diritturi dô Kunstmuseum Markus Müller e nu ducumintàriu stòricu ca mustra lu Maestro ô travagghiu. N’atmusfera spiciali è criata macari dâ musica di Satie e Albéniz, ca accumpagna li visitaturi duranti la visita.
Orari e costi nfurmativi
La mustra è aperta lu venniridìa, lu sàbbutu, la dumìnica, lu lunidìa e li jorna festivi, cu l’ingressu cumpletu a 19 euro e sconti pê giuvini, li prufissuri e chiḍḍi ca hannu cchiù di 65 anni Ntê jorna dâ simana (martedìi, mèrcuridi e giovedìi) li biglietti sunu di 15,50 euro.
N’occasioni nun perdibbili di scòpriri lu geniu di Picassu di na pruspittiva ùnica, nta nu cuntestu riccu di storia e cultura comu lu Palazzu Riali di Palermu.
