Lu festival edituriali nnipinnenti “Una Marina di Libri” sta priparannu la sò sidicèsima edizzioni cu nu canciu mpurtanti di locu. Dô 5 ô 8 di giugnu 2025, l’eventu littirariu cchiù attesu dâ Sicilia sbarcarà ô Cantieri Culturali alla Zisa di Palermu, cunfirmànnusi comu puntu di rifirimentu essinziali pô panurama culturali di l’ìsula
Nu novu “Giro di Boa” ô nomu di Camilleri
Lu tema scigghiutu pi l’edizzioni dû 2025 è “Il giro di boa”, tribbutu ô rumanzu omònimu di Andrea Camilleri pubbricatu di Sellerio e nu chiaru rifirimentu ô canciamentu di pusizzioni ca carattirizza sta edizzioni. La scigghiuta nun è casuali: st’annu signa lu cintinariu dâ nascita dû cèlibbri scritturi di Empedocli, ca câ sò scrittura, cultura, chiarizza di pinzeru, cumpassiuni e irunìa cunquistau li littura di tuttu lu munnu.
Comu spiega Gaetano Savatteri, giurnalista e scritturi ô timoni di l’eventu pô quintu annu cunzicutivu: “Il giro di boa perché si cambia mare, tornando alla tradizione itinerante e vagabonda di ‘Una Marina di Libri’ che, in passato, è stata in alcune piazze del centro storico, poi all’Orto Botanico, quindi a Villa Filippina. Ora il giro di boa ai Cantieri Culturali della Zisa”. Savatteri ricorda inoltre che Camilleri “è stato uno degli autori che, alla GAM (Galleria d’Arte Moderna), ha tenuto a battesimo le primissime edizioni della manifestazione di Palermo”.
Li Cantieri Culturali â Zisa rapprisèntanu na scelta idiali pi chista nova fasi: sìmmulu di ‘ncontri culturali e cuntaminazzioni, chista attrattiva cittadella s’è stabbilita comu fabbrica di rigginirazzioni urbana e pruposti culturali, macari pê novi ginirazzioni, cu gallirìi d’arti e fotografia, tiatri, cinima, scoli di furmazzioni, istitutu di lingua stranera, bibbliutechi e posti di rinfrescu.
Dû 2010 a òi: la storia di nu viaggiu littirariu
Quannu “Una Marina di Libri” partìu pâ prima vota ntô 2010, Palermu nun avìa ancora vistu na fiera didicata interamenti a l’edituriali nnipinnenti. Quattru cumpagni visionari – CCN Piazza Marina & Dintorni, Navarra Editore, Sellerio e Libreria Dudi – dicideru di culmari chistu votu, sfidannu li circuiti principali cu nu pruggettu culturali audaci e nicissariu.
La fòrmula vincitrici, ca vincìu sùbbitu lu pùbbricu sicilianu, fu chidda di trasfurmari na sìmprici fera dû libbru nta n’autentica festival culturali, unni la mustra dî libbra s’arricchisci cu prisintazzioni, dibbattiti, spittaculi artìstichi e mumenti di discussioni. Nu successu ca, edizzioni doppu edizzioni, dimustrò quantu era forti lu bisognu di nu spazziu didikatu ê vuci nnipinnenti ntô paisaggiu edituriali.
Lu viaggiu di “Una Marina di Libri” attraversu la cità di Palermu cunta puru na storia di trasfurmazzioni urbanìstica. Dî primi edizzioni ntô cori dû centru stòricu, lu festival attruvau ntô Giardino Botanico n’ecusistema idiali unni la cultura pò fiurìri ntra l’àrburi sèculari e li speci rari. Lu successivu trasfirimentu a Villa Filippina signò n’ultiriori evuluzzioni, pi arrivari â fini ê Cantieri Culturali â Zisa, sìmmulu di Palermu rinvintannu li sò spazzi nnustriali, trasfurmànnuli ‘n focu di criatività.
Nta quinnici anni d’attività, lu festival criscìu pi addivintari nu faro culturali pi tuttu lu Sud Italia, mantinennu ntattu lu sò spiritu urigginali: cilibbrannu l’edituriali di qualità, prumuvennu la littura comu strumentu pi l’emancipazzioni suciali e uffrennu nu spazziu pi na riflissioni crìtica supra lu prisenti. N’impegnu ca cuntinua a fari di “Una Marina di Libri” nun sulu n’avvinimentu, ma nu autenticu muvimentu culturali.
L’eventi da nun mancari
L’edizzioni dô 2025 si pripara a accugghiiri nu nùmmuru ancora cchiù granni di casi editrici e nomi mpurtanti ntâ littiratura nazziunali e ntirnazziunali. Tra li anticipazzioni cchiù attìsi dû jornu d’apertura, si distinguunu Elio Germano e Teho Teardo, ca giovedì 5 giugnu ê 21:30 all’Averna Spazio Open prisintaru “Viaggio al termine della notte”, na virsioni rinnuvata dû spittàculu ‘n termini di musica e testi’ ispirati liberamenti a Céline. Accumpagnannu Germano (vuci) e Teardo (chitarra e elettrònica live) sarannu Laura Bisceglia ô violuncellu, Ambra Chiara Michelangeli â viola e Elena De Stabile ô violinu.
Lu spittàculu è lu risultatu dâ cullabburazzioni tra “Una Marina di Libri” e Arci Tavola Tonda, prumuturi dû festival Sponde sonore, comu tistimunianza dâ vucazzioni dû festival pi criari sinergìi cu àutri rialtà culturali dâ zona.
Comu pi tradizzioni, l’eventu cumprenni macari nu riccu prugramma di dibbattiti, litturi e nu spazziu didikatu â pubblicazzioni, jochi e workshop pê picciriddi, cunfirmannu l’attinzioni versu tutti li gruppi d’età e diversi ntiressi culturali.
Nfurmazzioni utili e prinutazzioni
“Una Marina di Libri” si farà di giovedì 5 a dumìnica 8 di giugnu 2025 ô Cantieri Culturali â Zisa, situatu a via Paolo Gili, 4 a Palermu. Pi participari a l’eventu, si ponnu accattari li biglietti direttamenti ntô situ ufficiali, unni è dispunìbbili macari la chiamata pi l’editura ‘ntirissati a participari a l’eventu.
Nun perdiri l’opportunità di mmergirisi nta stu viaggiu littirariu ca, comu nu veru “puntu di svolta”, signa nu novu inizziu pô festival mantinennu ntattu lu spiritu ca l’ha sempri carattirizzatu. Segui lu situ ufficiali pi èssiri aggiornati supra lu prugramma cumpletu ca sarà arricchitu ntê prossimi simani cu novi ospiti e eventi ‘nmincabbili. “Unaa Marina di Libri” vi aspetta pi navigari nzèmmula ntô mari dâ cultura, ntra li pàggini, li palori e li ‘ncontri ca lassunu la sò marca.
