Na spirènzia sensuriali ùnica tra scienza e arti
Catania si pripara a vìviri n’espirienza sensuriali unica unni la scienza s’incontra cu l’arti di l’inganni pircittivi.“Error: la realtà è un’illusione” aprirà li porti dumani, martedìi 18 marzu ê 10:30, ntô tiatru dû VI Cumuni di San Giorgiu (Via Stradale San Giorgio 27), trasfurmannu accussì nu spazziu pirifericu nta nu puntu di rifirimentu culturali pi tutta la città.
Lu pruggettu, ispiratu â famusa riflissioni di Albert Einstein secunnu lu quali “la realtà è semplicemente un’illusione, seppur molto persistente“, invita li visitaturi a mettiri ‘n dubbiu la sò pircizzioni dû munnu attraversu nu viaggiu ntirattìvu ca sfida li sensi e rivela quantu facilmenti la menti umana pò èssiri nfruenzata.
Lu risurtatu cuncritu di na cumunità aducativa
La mustra rapprisenta quinni unu dî risultati cuncreti dû pruggettu “Nessunə si educa da solə”, nizziativa finanziata di Con i Bambini e guidata di Officina Socialmeccanica, ca òpira ntô quartieri di San Giorgiu di dui anni. La nizziativa fu criata ‘n cullabburazzioni cu Ludum (il museo delle scienze), i Briganti di Librino, il Liceo Classico N. Spedalieri e l‘I.C. San Giorgio di Catania.
“Durante gli atelier cittadini è emerso con forza il bisogno di riappropriazione degli spazi del quartiere e l’esigenza di accorciare le distanze tra il centro e la periferia di Catania”, spiega Giorgia Italia, cuurdinatrici dû pruggettu. “Error rappresenta quindi un risultato tangibile: la mostra è installata in periferia nel teatro in disuso del VI Municipio, ma è aperta a tutti gli alunnə dai 6 ai 13 anni delle scuole di Catania, offrendo di conseguenza un percorso interattivo e ludico-pedagogico gratuito“.
Nu viaggiu attraversu li puzzle e l’illusioni
Li ‘nstallazzioni “Error” cumprennunu macari enigmi ntirattivi ca vannu di l’illusioni ottichi e acùstichi a pruspittivi mpussìbbili, dô camuffaggiu ntô regnu di l’armali ê set fotugrafici. Li visitaturi sunu accumpagnati di guidi esperti ca li aiutanu a scopriri tutti li sigreti di l’illusioni e di ogni rialtà distorta pirciputa dô ciriveḍḍu.
Lu cunsigghieri pi l’istruzzioni pùbblica, Andrea Guzzardi, prima di tuttu suttalinea l’impurtanza di l’inizziativa pi criari la coisioni ntra lu centru e tutti li quarteri dâ città, mentri lu prisidenti dô VI Cumuni, Francesco Valenti, agghiunci ca chistu è sulu “lu primu passu di nu longu viaggiu” pi migliorari lu spazziu pùbblicu pirifericu.
La mustra è accessìbbili gratuitamenti supra prenotazioni dô 18 marzu ô 24 aprili, dô luni ô venniri dê 8:00 ê 14:00 e macari ogni giovedì dê 15:00 ê 18:00. Pi prenotari, si ponnu cuntattari li nùmmari 348 5205905 o 095 382529.
Quinni non perdiri l’opportunità di esplurari li cunfini dâ pircizzioni nta chistu labburatoriu di scuperti e maravigghi ca â fini trasforma li periferie nta nu centru pulsanti di cultura e ‘nnovazzioni pi tutta la cumunità di l’Etna.
