La cumpagnìa tiatrali Araldo del Vespro affascinò lu pubblicu câ quarta rapprisintazzioni dû spittàculu “I Beati Paoli“, ca si tinni lu 20 uttùviru 2024 ô Tiatru Ranchibile Don Bosco di Palermu. Chistu travàgghiu purtàu li spittaturi nna nu viaggiu narrativu cumplicatu, rivilannu lu latu buiu e affascinanti di Palermu. Lu prutagunista, Blascu da Castiglione, accuminciàu na ricerca dâ sò vera identità, ntrizzannu lu sò distinu cu chiḍḍu mistiriusu dî Beati Paoli. La sò ricerca incessanti dâ virità e dâ giustizzia lu purtàu a affrontari li sigreti ammucciati e a spirimintari avvinturi muzzafiatu.
La manifistazzioni uffrìu n’espirienza ùnica, grazzi â fusioni di prosa e ballu, cu giùvini attura e ballirini supra lu palcu, accumpagnati dî miludìi dâ narratrici Rosa Balistreri. La riggìa di Giuseppe Bongiorno, laureatu ‘n arti dô spittaculu ô Tiatru Biondo, arricchìu la sirata, purtannu â luci storii ca cèlibbranu la nostra amata terra.
Tra li participanti a l’eventu c’era Floriana Sabato, ballirinata e autrici di sihd.it, ca cunnivisi li sò emuzzioni: “Ricitai la parti di na comuni chiamata Nunzia, ma la parti cchiù sfidanti fu ntô secunnu mità, quannu appi a fari la parti di n’àutru pirsunàggiu: na fìmmina ca fu frustata Simulannu l’urla nna chiḍḍa scena mi fici èssiri na picca ansiusa, ma â fini fu n’espirienza veramenti suggittiva.” La cumpagnìa Araldo del Vespro vincìu li cori dû pùbbricu cû sò talentu e passioni, dannu na sirata china di emuzzioni e cultura.
Al centro, Floriana Sabato interpreta Nunzia.
 fini, la nova staggiuni tiatrali dâ Cumpagnìa “Araldo del Vespro”, ntitulata “Memoria”, detti ô pùbbricu n’espirienza ntirissanti china di emuzzioni. La staggiuni prumetti di cuntinuari a esplurari chisti temi, cunfirmannu l’impegnu dâ cumpagnìa pi prumòviri la cultura e la riflissioni suciali.
