La Sicilia si pripara a dari l’accugghienza n’autra vota a unu di l’eventi cchiù icònici dû munnu di l’automobbilistica: la Targa Florio Classica. Dô 10 ô 13 uttùviru 2024, li mutura dî màchini cchiù icònichi risuonanu ntê strati di l’isula, arricurdannu la tradizzioni accuminciata ntô 1906 di Vincenzo Florio.
L’edizzioni dû 2024 prumetti di èssiri n’espirienza ‘ndimenticabbili. Lu percorsu passa pi na para di li posti cchiù suggittivi dâ Sicilia, e Palermu sarà lu cori battenti di l’eventu. Lu percorsu, longu 684,88 km, sarà divisu in dui tappi principali l’11 e 12 di uttùviru, toccannu la pruvincia di Tràpani unni li participanti ponnu ammirari la nuvità dû crittu dî Burri e supra li strati di Madonìi pi l’immincabbili appuntamentu cu li strati di mitu.
La manifistazzioni si finirà dumìnica 13 di uttùviru cu lu “Trofeo di Monreale“, n’agghiunta di 46,27 km ca cumprenni lu passaggiu supra la pista “Bellolampu-Passu i Rianu“, canusciuta p’aviri statu lu tiatru dâ prima cursa dû pilota Nino Vaccarella.
Chista edizzioni avrà un nùmmaru record di cchiù di 230 participanti arrigistrati, ca vennu di circa 20 paisi diversi. Si distinguunu li màchini di strata Gran Turismo prudutti dô 1991 ca cumpètunu pô tìtulu rû Campionato Italiano Grandi Eventi, accussì comu 70 splèndidi Ferrari parti dû “Tributu Ferrari a Targa Florio”.
La Targa Florio non è sulu na gara, ma nu pezzu dâ storia di l’automobbilistica italiana. Fu grazzi a l’inizziativa di Vicenzo Florio ca ntô 1905 vinni funnatu lu primu club autumubbilisticu nazziunali, pricursuri di l’attuali Club Autumubbilisticu d’Italia, pi pirmèttiri â prima Targa Florio ntirnazziunali di avvìnniri ntô 1906.
A città di Palermu e lu sìnnacu Lagalla abbrazzanu cu orgogliu st’abbinimentu stòricu. L’amministrazzioni cumunali travagghiò pi migghiurari li cunnizzioni dî strati dû percorsu e sta pruggettannu lu risviluppu dî tribuni di Floriopoli, nu postu simmòlicu dâ gara.
Sta manifistazzioni nun è sulu na cilibbrazzioni di l’automobbilistica, ma puru n’omaggiu â storia dâ Sicilia e â famigghia Florio, prutagunisti di dd’èbbica canusciuti comu “Palermu cchiù filici”. La Targa Florio Classica 2024 è accussì cunfigurata non sulu comu na cumpitizzioni sportiva, ma comu nu viaggiu attraversu la storia, la cultura e lu paisaggiu di una dê riggiuni cchiù affascinanti di l’Italia.
