A pàrtiri dû 25 di uttùviru nzinu ô 17 di nuvèmmiru, dui splèndidi tirritori siciliani, l’Etna e li Nèbbrudi, vèninu li prutagunisti di na nizziativa ùnica: l’Etneb. Stu pruggettu nnovativu coinvolgi 250 strutturi e offri 30 eventi ca celebbrunu lu clima miti e la biddizza dê paisaggi autunnali dâ Sicilia.
La cunziggheri riggiunali Turismu, Sport e Ntrattinimentu, Elvira Amata, suttaliniau la mpurtanza di la nizziativa, discrivennula comu n’uppurtunitati nun pircàbbili pi li visitatura e li siciliani. “Etneb è nu viaggiu sensuriali ca cummina spirènzii visivi e gustativi, pirmèttennu di scopriri li ricchizzi dû nostru tirritòriu”, dichiarò.
Duranti la prisintazzioni dû pruggettu, tinuta ô Museu, foru prisenti macari Sergiu Scaffidi, funziunariu dû Dipartimentu, e Orazziu Micali, diritturi dû Museu, e accugghieru l’ospiti. Inoltri participau lu cunzigghieri cumunali di Missina pâ cultura, Vicenzu Carusu.
Etneb rapprisenta lu primu di na sèrii di eventi ca volunu cumminari lu turismu alimentari e lu vinu e li staggiuni d’autunnu, migghiurannu li carattirìstichi climàtichi e paisaggistici unichi di chisti àrii.
“Chista è n’opportunità cuncreta pi prumòviri nu sigmentu stratèggicu comu lu sitturi dô manciari e dô vinu, già privistu rintra la chianificazzioni dô dipartimentu”, cuncludìu lu cunsigghieri Amata. L’obbiettivu è chiḍḍu di stimulari ulteriori iniziativi nta àutri banni di l’isula e ncuraggiari la distaggiunalizzazzioni di l’offerta turistica, nu puntu cintrali ntô travagghiu dô guvernu Schifani pô sviluppu dô settori.
Cu Etneb, la Sicilia si pripara a òffriri n’espirienza ‘ndimenticabbili, ‘nvitannu tutti a scopriri li sapori di l’autunnu e li panorami ca sulu sta terra pò òffriri.
