Lu 12 dicèmmiru passatu, duranti li The Game Awards, fu annunciatu lu vìdiujocu Mafia IV: The Old Country, lu novu capitulu dâ abbanniata seri di 2K Games. Stu capitulu novu ci purterà ntô cori dâ Sicilia ntê primi dû 1900 unni assumemu lu rolu di Enzu Favara, nu picciottu ca si fa strata ntâ famigghia mafiusa Torrisi, mentri l’ìsula è scuzzulata di na guerra tra li clan.
A diffirenza di àutri tituli dû gèniri, la mafia nna The Old Country non è chiḍḍa dî pillìculi di Hollywood o dî cartelli ntirnazziunali enormi. Lu jocu ci trasporta nta na rialità cchiù ìntima e lucali, unni l’urganizzazzioni criminali è radicata ntê posti cchiù ammucciati e luntani di l’isula. N’ambientazzioni prufunna e rialìstica, luntanu dî sòliti cliché, ca ci farà scòpriri na Sicilia fatta di storia, di lotti e di ùmmiri.
La maravigghia dâ campagna siciliana si scontra cu li vicoli urbani di plùmmu, cornici nvoluntari di l’amaru càlici di l’infernu.
Lu stili visivu s’ispira a granni pillìculi clàssici comu Lu padrinu e C’era na vota ‘n Mèrica, cu la Sicilia ca cunta na storia ammucciata di storia e tinzioni Tra li lucalità cchiù icònichi attruvamu li ruvini dâ Valli dî Templi di Girgenti, lu Tiatru Màssimu di Palermu, e di Catania, cu l’Etna mpunenti ca nasci a l’urizzunti.
Lu gruppu di sviluppu approfunnìu e curau ogni aspettu dâ Sicilia, visitannu l’isula e cullabburannu chê storici lucali pi ricriari paisaggi meditirrànii muzzafiatu e accurati dô pirìudu. Mafia IV offri nu jocu tàtticu cu armi d’epoca comu li cuteḍḍi e li branchi di lupi, pi scontri rialìstici. Inoltri, pi aumintari lu liveddu di autintiti, lu jocu prisintarà puru na duppiatura ‘n lingua siciliana, dimustrannu l’impegnu dâ squatra pi rispittari la cultura e la lingua lucali.
Spissu vistu comu nu passatempu sìmplici, li vìdiujochi sunu ‘n rialtà una dê formi d’arti cchiù ntirissanti e putenti dô nostru tempu. Mafia: Lu vecchiu paisi, ca niscìu nta l’istati 2025 pi PC, PlayStation 5 e Xbox Series S|X, prumetti di èssiri unu di sti capulavori, cu ogni dittagghiu pruggittatu pi mmirgiri lu jucaturi nna na spirienza ùnica e autèntica.
