La vita du studenti ca campa luntanu di casa addiventa lu prutagunista ntô schermu granni a Palermu. Lu ERSU Festival 2025 apri li porti dû cinima ê studenti universitari . Lu pruggettu sarà trasfurmatu nta nu film chiamatu “Fuorisede, storie di vita e di studi”.
Lu maestro Salvo Ferrara guida la dirizzioni artìstica dû pruggettu. L’Associazzioni Listen! cerca novi facci e talenti emergenti attraversu nu casting. Migliaia di giuvintù ‘n Italia cunnivìdunu chista spirènzia. Li silizzioni arristanu aperti nzinu ô 10 frivaru 2025. L’opportunità è pirfetta pi chiḍḍi ca sunnanu di ricitari o di scòpriri lu munnu dâ pruduzzioni di pillìculi.
Quattru prutagunisti principali sunnu ricircati: dui picciotti e dui picciotte. Nun ci sunnu ristrizzioni pâ nazziunalità. Li cannidati hannu a trasmèttiri autenticamenti l’emuzzioni dâ vita luntanu di casa. Lu pruggettu offri macari opportunità a chiḍḍi ca vulìssiru addivintari prufissiunisti tècnici.
Hai spirènzia cu li videocameri prufissiunali? Ti piaci la mudifica dû vìdiu? Lu casting sta circannu upiratura cu spirènzia nna l’usu di Reflex e Mirrorless. Avìssiru bisognu puru di editura ca canusciunu prugrammi comu Da Vinci e Premiere. Li appassiunati dâ fotografia ponnu candidàrisi pi dui roli. C’è nu postu pi nu rigista di fotografia o nu fotugrafu di scena. Chist’ùrtimu acquisisci li mumenti cchiù autèntici ntô backstage.
L’àudiu è funnamintali: circamu nu ncigneri dû sonu ca havi spirènzia ntâ gistioni live. Chiunque c’avi nu talentu urganizzativu pò candidàrisi pi nu postu di sigritàriu di produzzioni. Li spirti dâ cumunicazzioni diggitali ponnu prupunìrisi comu diriggenti dê social media.
La dumanna havi a èssiri prisintata tramiti lu modulu online entru li 12:00 dû 10 frivaru 2025. L’Ufficiu di l’Attività Culturali di l’ERSU duna supportu tramiti e-mail (ufficio.cultura@ersupalermo.it) o tilèfunu (091 6545939 – 339 876 5366).
Nun pèrdiri sta pussibilitati. Lu to talentu putissi cuntari na storia ca parra ê cori di tutti li studenti fora dâ città.
