La cultura univirsitaria siciliana veni rinnuvata cu l’ERSU Festival 2025. La nizziativa prumetti di trasfurmari lu paisaggiu culturali dî studenti. L’ Enti Riggiunali pô Dirittu a l’Istruzzioni Universitaria appruvàu nu prugramma ca cumprenni lu cinima, la musica, lu tiatru e la fotografia.
“La cultura è il fondamento su cui costruiamo il futuro dei nostri studenti”, dici Margherita Rizza, prisidenti di l’ERSU Palermu. “Stu festival rapprisenta u nostru impegnu concretu pi l’istruzzioni ca va oltri l’aula universitaria, prumuvennu l’inclusioni e costruennu ponti tra diversi identità curturali.”
L’ ERSU Festival 2025 attirau l’intiressi di assài upiraturi culturali ntâ zona. Tra li pruggetti scigghiuti si distinguunu lu film “Fuorisede, storie di vita e di studi” dû riggista Gaetano Di Lorenzu e lu festival musicali “ErsUwave” di Panastudio Productions. Lu prugramma cumprenni puru masterclass cû rigista Emanuele Crialese e ‘ncontri cu Alessandro Baricco.
Li studenti ponnu participari a pruggetti nnuvativi. La Fondazzioni Le Vie dei Tesori vi guidarà pi scopriri Palermu. Lu “Tango Young Project” e “Storie di Jazz” purterànu musica ntirnazziunali a l’università. Lu Teatro Biondo offri abbunamenti spiciali cu “In volo”. L’ Assuciazzioni Strada degli Scrittori curarà nu viaggiu attraversu la littiratura siciliana.
Lu 14 di jinnaru la “Scuola di Bridge” grapirà lu calannariu di l’avvinimenti â risidenza Santi Romano di Palermu. L’eventu inaugurali sarà accissìbbili pirsunalmenti e online. Nu sistema di IA cummirtisci la riggistrazziuni ‘n testu pi garantiri l’accessu ê studenti cu disabbilità.
“Stiamo creando un ecosistema culturale che arricchisce l’esperienza universitaria”, dici Ernesto Bruno, diritturi di l’ERSU. “vogliamo formare non solo professionisti competenti, ma cittadini culturalmente consapevoli e attivamente partecipi nella società.”
Li studenti ‘ntirissati ponnu seguiri tutti l’agghiornamenti ntô situ ufficiali di l’ERSU Palermu e ntê canali suciali di l’urganizzazzioni, unni vènunu pubbricati nfurmazzioni dittagghiati supra ogni eventu prugrammatu.
