Na storia di vita ca s’attrova ntô vintèsimu sèculu talianu: dumìnica 27 aprili, la Camera dû Cunsigghiu di Sciurìddia ospitarà la prisintazzioni di “Vita di Norina. Una donna del secolo ultimo“, la nova òpira littiraria di Stefania Germenia pi Algra editore. L’eventu accuminciarà ê 17:30 cu lu crìticu cìnima Renato Scatà ca parrarà cu l’auturi, mentri l’atturi Ettore Signorelli esibirà passaggi dû libbru accumpagnatu dî noti musicali di Lucia Basilia.
“Vita di Norina” cunta la storia di Norina Brenna, fiuridiana d’aduzzioni ma calabbrisi di nàscita, prutagunista di nu viaggiu ca s’intreccia câ storia dû sèculu passatu. Crisciuta ntâ puvirtà, nna na famigghia patriarcali, Norina lassàu la scola a l’età di deci anni pi travagghiari. A diciassett’anni, rifiutau nu matrimoniu arrangiatu e si trasfirìu cu curaggiu ‘n Sicilia p’accuminzari na vita nova
Duranti la Secunna Guerra Mundiali, Norina cummattìu pâ supravvivenza dî sò cari. Nta l’anni sissanta, lu sò spìritu mprinnituriali la purtàu a emigrari ntê Stati Uniti, unni sviluppàu mpurtanti abbilità mprinnituriali. Tornata ‘n Italia, vivìu ‘nzinu a novantanovi anni circunnata di l’affettu dâ sò famìgghia.
Sta biografìa rapprisenta n’esempiu di risistenza dî fimmini nna n’èpuca di granni canciamenti. “La vita di Norina” non sulu cunta la storia pirsunali di na fìmmina ditirminata, ma offri n’autèntica trasvirsali dâ sucità taliana attraversu li spirènzii di chiḍḍi ca la vìssiru cu dignità, trasfurmannu li difficultà nta opportunità di crìscita. Li participanti a l’eventu scoprirannu na testimonianza priziosa ca metti n evidenza lu contribbutu dê fimmini cumuni â nostra storia cullittiva.
