N’òttimu quintettu pi l’apirtura dâ staciuni
Lu jazz italianu si rinnova attraversu li sò prummisi giùvini. Lu Scannapieco/Geremia 5et, nu gruppu emergenti ca vincìu lu primu postu ô Conad Jazz Contest2024, veni ‘n Sicilia pi inaugurari lu festival Note in Teatro 2025. L’eventu è previstu pi lu sàbbutu 1 frivaru ê 21:00 ô Tiatru “Gilberto Idonea” dû Polo Culturale di Sant’Agata Li Battiati.
Lu quintettu, friscu di nu tour chi tuccau arcuni dî cchiù pristiggiusi manifistazzioni jazz taliani – di l’Umbria Jazz ô Jazz italiano per le terre del sisma – porta nu pruggettu musicali nnuvativu ntô palcu sicilianu. Lu gruppu vanta talenti straurdinari: Antonio Scannapieco a trumma, musicista c’accuminzau lu sò viaggiu jazz a l’etati di 7 anni e c’ha cullabburatu cu artisti di lu càlibbru di Mario Biondi e Stefano Di Battista; Pasquale Geremia ô sax tenuri, natu ntô 2002, la cui passioni pô jazz fiurìu duranti na masterclass cu Barry Harris; Guglielmo Santimone ô chianuforti, vincituri dû Premio Tomorrow’s Jazz 2020; Giulio Scianatico ô contrabbassu, ca vanta cullabburazzioni cu Seamus Blake e Jorge Rossy; e Angelo Gregorio â battirìa, nu talentu precoci ca accuminciau a sunari a l’età di 3 anni.
Note in Teatro 2025: nu pruggettu ambizziusu
“Note in Teatrorappresenta l’evoluzione naturale del nostro appuntamento tra inverno e primavera al Polo Culturale di Sant’Agata Li Battiati”, spiega Antonio Petralia, diritturi artìsticu di l’eventu. “Quest’anno la programmazione si caratterizzerà per una vasta gamma di sonorità e contaminazioni, esplorando il jazz e oltre. Il nostro intento è quello di creare un ponte tra tradizione e innovazione, offrendo agli artisti la possibilità di esprimersi liberamente.”
Lu festival si cunferma comu puntu di rifirimentu pi l’amanti dâ musica, nun sulu a liveddu lucali ma puru nazziunali. Particulari attinzioni veni data ê musicisti siciliani, mantinennu ô stissu tempu n’occhiu apertu pi l’eccillenza nazziunali e ntirnazziunali. “Siamo profondamente convinti della straordinaria ricchezza artistica della Sicilia e vogliamo continuare a promuovere i suoi talenti“, suttalinea Petralia.
Nu prugramma riccu di eventi
Doppu l’esibbizzioni di Scannapieco/Geremia 5et, lu festival cuntinuarà ogni quattordici jorna nzinu ô 31 maggiu. Tra li punti cchiù mpurtanti: l’Ensemble Jazz dû Conservatorio Toscanini di Ribbera (15 di frivaru), lu “Praola Project” di Carla Restivo 4et (1 marzo), e lu duo Emilia Zamuner – Massimo Moriconi (15 marzo). Nun vi perdiri la sirata spiciali dû 30 aprili pû International Jazz Day, cu na duppia esibizzioni dû Duo Improprium e dû Cesare Panizzi Trio.
Li biglietti ponnu èssiri accattati online ntâ piattaforma DIY Ticket, câ pussibbilità di usari la Carta del Ducente e lu Bonus Cultura. È macari dispunìbbili n’opzzioni di abbunamentu pâ staggiuni cumpleta. Pi nfurmazzioni e prenotazioni putiti cuntattari l’urganizzazzioni tramiti e-mail (ass.musikante@gmail.com) o WhatsApp (345-7447035).
Tutti li cuncerti accumincianu ê 21:00, tranni ca pâ sira dû 30 aprili ca accumincianu ê 20:45. Lu Tiatru “Gilberto Idonea” dô Polo Culturale Sant’Agata Li Battiati si cunfirma comu lu postu idiali pi chistu eventu, uffrennu n’acùstica pirfetta pi apprizzari megghiu li spittaculi di jazz.
