A cuminciari dô 9 jinnaru 2025, Palermu sarà lu centru di nu viaggiu affascinanti attraversu sìmmuli, misteri e tradizzioni grazzi ô Seminariu supra l’Esutericismu nta l’Arti. Prumuvutu di BCsicilia e di l’Università Popolare, la manifistazzioni sarà spartuta nta ottu riunioni simanali e tri giri guidati, cu lu scopu di rivilari lu latu ammucciatu di l’arti e dâ cultura siciliana. Li ‘ncontri si tèninu ogni giovedì â li 16:30 ntô centru curturali Biotos, nnâ via XII Gennaio, 2, câ pussibbilità di participari macari ‘n diretta.
La serii di cunfirenzi accumincia cu Alberto Samonà, giurnalista e membru dû cunsigghiu di amministrazzioni dû Parco archeologico del Colosseo, ca lu 9 di jinnaru parra di “Arte e infinito, tra simboli dell’universo ed espressioni contemporanee”. Ci sarannu eventi di granni ntiressi pi seguiri, comu chiddu dû 16 di jinnaru cu la storica di l’arti Daniela Brignone, ca approfunnirà ntô tema “Velate verità: l’arte esoterica in Sicilia tra storia e simbolismo”. Lu 23 di jinnaru è lu turnu di l’architettu Carmelo Montagna, ca guiderà li participanti â scuperta dê “Geometrie segrete e Ierofanie”.
Ogni riunioni pruponirà nu tema unicu, affrontatu di esperti assái pristìggiusi. Lu 30 jinnaru, l’architettu Giovanna Mirabella parrarà di “Linguaggio ermetico nelle costruzioni medievali”, mentri lu 6 frivaru Alessandro Di Bennardo si cuncentrarà supra “La luce nelle architetture medievali”. Non mancarànu li riflessioni filusòfichi, comu chidda dû 13 di frivaru cu Tommaso Romano, didicata a “L’esoterismo di Dante secondo René Guénon”, e di l’intuizioni supra l’alchimia dû XVIII sèculu cu Rosanna Balistreri, privista pû 20 di frivaru. L’ùrtima riunioni, privista pû 27 di frivaru, sarà affidata a Giovanni Iannuzzo, psichiatra e psicoterapista, ca cunchiudirà lu ciclu cu na cunfirenza ntitulata “Sul non detto della parola e sulla parola del non detto. Esoterismo e letteratura”.
Pi arricchiri lu seminariu ci sarannu tri visiti guidati nta posti simmòlici dâ Sicilia, pirfetti pi immergirisi ulteriormenti ntê temi affrontati duranti li riunioni. La prima si farà a Notu dumìnica 26 di jinnaru ê 10:00, cu Maria Teresa Di Blasi, stòrica d’arti e prisidenti dâ BCsicilia di Catania, ca guiderà li participanti â scuperta dû “Fregio misterioso di Palazzo Nicolaci”. La secunna vìsita, lu 16 di frivaru ê 10:00, sarà a Termini Imeresi, unni Alfonso Lo Cascio, prisidenti riggiunali dâ BCsicilia, cunnucirà nu viaggiu esutericu ntâ “Cammara picta”. L’ùrtimu appuntamentu, lu 2 marzu, n’àutra vota ê 10:00, purterà li participanti ô Capu d’Orlannu, unni Andrea Pruiti Ciarello illustrarà li sigreti dâ “Dimora del mago” ntâ Fondazione Famiglia Piccolo di Calanovella.
L’organizzaturi suttulinianu l’impurtanza dû seminariu pi rafforzari na tradizzioni curturali ricca ma spissu picca canusciuta. La Sicilia, terra di miti e liggenni, teni nu patrimoniu esutèricu ca si rifletti nun sulu ntê sò òpiri d’arti, ma puru nti l’architittura e ntê manuscritti alchìmici ammucciati ntê risidenzi nòbbili. Chistu seminariu rapprisenta n’opportunità unica pi scopriri posti e canuscenzi ca cuntunu di nu passatu ammucciatu di sigreti e sìmmuli, unni l’arti figurativi e l’edifici mediuevali s’intriccianu cu lu misteri e la spiritualità.
La participazzioni ê riunioni è nicissària na prenotazzioni obbligatoria, ca pò èssiri fatta scrivennu a segreteria@unipoti.it. Lu Siminariu supra l’Esutericismu nta l’Arti si cuncludirà câ rilasciu di nu certificatu di participazzioni, ca cirtifica l’impegnu e l’intiressi dê participanti pi chistu affascinanti viaggiu. N’opportunità ‘npercabbili pi chiddi ca volunu esplurari lu latu cchiù enigmàticu e affascinanti di l’arti, nta n’ambienti ca celebbra la ricchizza culturali dâ Sicilia.
