Lu spittàculu: nu viaggiu tra mimoria e prisenti
La figura di Rocco Chinnici, piunieri ntâ lutta contra la mafia ‘n Sicilia, torna â vita supra lu palcu nta chiddu ca prumetti di èssiri nu ritornu appassiunanti ntâ scena palermitana. Arriva per la prima vota ô Tiatru Don Bosco Ranchibile di Palermu lu spittàculu “Rocco Chinnici: il coraggio e la passione di un padre magistrato“, inaugurannu lu sò 2025 cu dui eventi indimicabili: l’11 e il 12 frivaro ê 10:30.
Ntâ n’intervista esclusiva cû nostru gruppu edituriali, lu rigista Ugo Bentivegna cunnivìu la gènisi e lu prufunnu significatu di chistu pruggettu tiatrali, ca già vincìu lu pùbbricu ntirnazziunali dô Parlamentu Europeu e prestu turnarà a Bruxelles, sta vota all’Istituto Culturali Italiano, unni li trattativi pi novi dati sunnu ‘n corsu.
Na misa ‘n scena nnuvativa
Lu spittàculu, cu-scrittu di Bentivegna e Giuditta Perriera, porta ntô palcu na storia ìntima e putenti. “Sin da subito l’idea era quella di non raccontare soltanto la figura di questo eroe dell’antimafia, ma di raccontare la figura di un padre amorevole ma anche severo con gli occhi appunto della figlia” spiega lu rigista, ca vulìa fortimenti chistu pruggettu doppu aviri participatu comu atturi a nu film supra la vita dû magistratu.
Ntô palcu, la narrazzioni pigghia vita attraversu nu jocu suggittivu di luci e ùmmira. Giuditta Perriera, oltri a èssiri co-autrici, interpretra lu rolu di Caterina Chinnici, mentri Roberto Burgio interpretra la figura di Rocco Chinnici, ca s’esprimi, suggittivamenti, darreri nu pannellu in PVC. “Lo spettacolo alterna continuamente questi momenti di ricordi intimi, familiari, ma anche di momenti drammatici” enfatizza Bentivegna, criannu n’equilìbbriu narrativu pirfettu.
L’eredità di nu piunieri
L’eredità di Rocco Chinnici emergi cu forza attraversu li sò intuizzioni rivuluzziunari. Prima, prisintò l’idea di colpiri li mafiusi attraversu li so’ beni. N sèquitu, criau lu pool antimafia ca virìa Giovanni Falcone e Paolo Borsellino comu prutagunisti. “Rocco Chinnici è stato il primo giudice ad andare all’interno delle scuole a parlare ai ragazzi” ricurda lu rigista, “lui capì che i ragazzi dovevano sapere che quando si drogavano non solo facevano del male a loro stessi, ma facevano arricchire la mafia.”
Lu ligami prufissiunali tra patri e figghia junci n’elimentu cummuventi â narrazzioni. “Dopo essere diventata magistrato è stata affidata dal padre stesso a Borsellino” rivela Bentivegna, “e lì ha cominciato a vedere veramente ciò che il padre stava facendo e ciò che il padre aveva in mano, tutte quelle lotte contro la mafia che a casa non riportava per proteggerli.”
Lu spittàculu nascìu di na prufunna riflessioni duranti lu pirìudu dû Covid. “Durante il Covid, ho riflettuto sul fatto che questa figura così importante per la storia dell’antimafia siciliana era un po’ stata dimenticata” cunfissa Bentivegna, “e ho detto: qual è il mio linguaggio? Quello del teatro.”
La rapprisintazzioni fu cuntrullata direttamenti di Caterina Chinnici, assicurannu la sò autintitizza stòrica ed emutiva. Prometti quinni di èssiri n’espirienza tiatrali ntensa e nicissària, capaci di parrari ê cori e ê cuscienzi dî spittatura. Inoltri, manteni viva la mimoria di chiḍḍi ca sacrificaru la sò vita pâ giustizzia e la ligalità ntâ nostra terra.
Nfurmazzioni e prinutazzioni
Nun perdiri l’opportunità di assistiri a sta tistimunianza cummuventi di mimoria e ‘mpegnu civicu. Pi nfurmazzioni e prinutazzioni si ponnu cuntattari li siguenti nùmmari: 338 4931828 o 334 868645
