Lu 18 uttùviru 2024, Catania ospitò la XVIII edizzioni dû Premiu Nazziunali di l’Arti, n’inizziativa mpurtanti didicata a mettiri n evidenza lu talentu emergenti di studenti di l’Accademii Taliani di Belli Arti.
La cirimonia di premiazioni si svolse pressu lu Tiatru Massimu Bellini, sìmmulu di la cultura siciliana, coinvolgennu studenti, prufissuri e appassiunati di l’arti
Urganizzatu dû Ministeru di l’Univirsitati e dâ Ricerca ‘n cullabburazzioni cu l’Accademia di Beddi Arti di Catania, chist’annu lu premiu si cuncintrau supra l’Arti Visivi, tra cui l’Arti Figurativi, Diggitali e Scinugràfichi, cu na sizzioni spiciali didicata ô Ristauru. Gianni Latino, Diritturi di l’Accadèmia, suttaliniau lu rolu funnamintali di l’Accadèmii comu centri d’istruzzioni àuta e di nnuvazzioni, capaci di rispùnniri a l’esiggenzi dû mircatu di l’arti cuntimpurània.
Lu jornu non fu limitatu â cirimònia di premiazioni; fu inaugurata macari na mustra, aperta nzinu ô 15 dicèmmiru, nta tri posti emblemàtici: Palazzu dâ Cultura, Fondazione Brodbeck e Fondazione Puglisi Cosentino. Chista mustra offri na piattaforma a l’artisti emergenti, pirmittennucci di ntiraggìri cu nu pubblicu cchiù granni e acquisiri visibilitati nta nu cuntestu ca altrimenti li ignora.
Lu pruggettu gràficu dô Premiu, criatu dê studenti dô corsu Design for Publishing, ntruducìu n’identità visiva urigginali, sìmmulu di na riti di canuscenzi e abbilità cunnivisi ntra l’Accademii taliani. L’alfabbetu ‘Aba Saperi’, usatu ntô design, rapprisenta n’intercunnissioni tra vari canuscenzi artistichi, trasfurmannu l’arti nta nu linguaggiu cumuni.
Pi coincidiri cu l’eventu, li classi a l’Accademia foru suspesi, pirmittennu a studenti e prufissuri di participari a chista cilibbrazzioni dâ criatività e di l’innovazzioni ntô campu di l’arti. Tuttavia, stu premiu, puru si è nu puntu di rifirimentu ntâ l’istruzzioni artistica nta l’Italia, havi a affruntari lu prubblema dâ scarsa visibilitati.
È funnamintali prumòviri na maggiuri attinzioni e discussioni supra tali eventi, accussì ca novi ginirazzioni di artisti ponu nàsciri e cuntribbuiri attivamenti ô paisaggiu culturali cuntimpuraniu È prioccupanti nutari comu li inizziativi di chistu calibru, ca rapprisentunu n’opportunità mpurtanti pê giuvini artisti. riciviri na visibilitati assái limitata.
Nustanti l’auta qualità di l’òpiri prisintati e lu valuri di l’istruzzioni artìstica nta l’Italia, lu Premiu Nazziunali di l’Arti arresta picca discussi ntê media e ntô dibattitu pùbblicu.
