Ntô misi di giugnu, duranti n’escursioni spiliològgica ntê muntagni Tràpani, li spluraturi Robertu Grammaticu e Rusariu Bonventri, appartinenti ô Squatra Speleo Tràpani ETS, scupreru na nova grutta virticali, chiamata “Zubbio delle due Colme”.
Duranti li fasi finali di l’esplorazzioni e dâ mappatura topugràfica dâ cavità, fu attruvatu nu strumentu di guerra ntô funnu. L’uggettu ‘n quistioni havi na lunghizza di circa 70 cm e nu diàmitru di 20 cm.
Cu granni cautela, li spiliòluggi turnaru pi ripurtari la scuperta. Succissivamenti, foru chiamati a n’incontru câ squadra dê bummi di l’Esercitu talianu e dê vigili dû focu pi dari cchiù dittagghi supra la scuperta.
Duranti l’incontru, foru prisintati dati prufunni supra la grutta, cumprisi lu rilievu topograficu, la sizzioni orugràfica dô situ, li distanzi dê centri abbitati, li rifirimenti GPS di l’ingressu e lu giurifirimentu dâ cavità. Furu furniti macari dittagghi supra la pusizzioni dû dispusitivu, accussì comu nfurmazzioni supra lu vulumi dâ roccia circustanti e lu cumpurtamentu dâ prissioni esplusiva.
Chisti dati foru funnamintali pi valutari lu rischiu di na possibbili esplosioni accidintali.
Lu ricuperu e lu trasportu dâ bumma ntâ supirfici prisèntunu difficultà cunsidirevuli e cumportanu n’àutu liveḍḍu di rìsicu pi l’upiratura coinvolti.
Pirciò, sarà funnamintali analizzari attentamenti li mètudi di ‘ntirventu.
Attualmenti, l’ingressu dâ grutta è sutta cunfisca e l’autoritati mantènunu lu massimu sigretu supra la sò posizzioni.
Chista scuperta rapprisenta n’avvisu mpurtanti pâ sicurizza dô tirritoriu e richiedi na gistioni scrupulusa di parti di l’autoritati cumpitenti pi garantiri la sicurizza pùbblica.
