Dû 7 ô 9 di nuvèmmiru, lu Cantieri Culturali dâ Zisa, ntô spazziu Perriera di Palermu, ospita la quarta edizzioni dû Festival Multidisciplinari Ntirnazziunali Dissidanza, manifistazzioni chi cèlibbra la danza cuntimpurània e la spirimintazzioni artìstica. Urganizzatu dû Centru Coriogràficu L’espace di Palermu, diriggiutu di Giuvanni Zappulla, lu festival pruponi nu prugramma variu e stimulanti, distinatu a mettiri Palermu ô cori dû panurama culturali nternazziunali
Duranti li tri jorna di l’eventu, sei pristìggiusi cumpagnìi ntirnazziunali si esibirànu nna na misculanza di spittaculi di ballu, arti dû circu, mappatura vìdiu e ‘nstallazzioni sonori. Nu festival ca si distingui pâ sò urigginalità e l’approcciu nnuvativu versu la danza cuntimparània, cu n’attinzioni particulari â sustinibbilità, l’inclusioni e â contaminazzioni ntra li diversi formi artistichi.
Lu festival s’aprirà giovedì 7 di nuvèmmiru câ cumpagnìa corsa Cie Vialuni di Ajacciu, ca prisintarà “Folie douce“, na riflissioni puètica supra la pazzia e l’identità còrsa, cu n’esibbizzioni ca ammisca ballu e cumpusizzioni musicali viva. Ntô palcu, Michèle Ettori e Fabien Delisle esplurarunu li ràdichi culturali dâ Còrsica, nta n’incontru tra lu Miditirràniu e la puètica dî cultura taliani e francisi. Appoi, l’artista dû circu missicanu Mafer Bestard offrirà nu spittàculu straordinariu di ballu e acrubàtica aèria, “Human Nature“, unni la natura umana veni esplorata attraversu la forza fìsica e la limitazzioni, cu na riflissioni supra lu tragicu e l’eroicu.
Venniridìa 8 nuvèmmiru, lu festival ospita la prisintazzioni dû pruggettu “Playing Bodies“, cu na seri di òpiri audiovisivi e ntirattivi. Tra chisti, lu film ballu “Place Alone” dû duo Niki&Martin, lu vidiu “A poetica do baleiro” dâ cumpagnìa spagnola Espazo Aberto e l’installazzioni audio-videu riattiva PBXLUL di L’espace di Palermo, ca pirmettirà ô pùbbricu di spirienza di spirimentu nu novu modu di ntirazzioni tra muvimentu, sonu e spazziu.
 fini, sàbbutu 9 nuvèmmiru ci sunnu dui spittaculi d’avanguardia. “Vidrio” di Marco Pergallini, unu dî principali rapprisintanti dâ danza cuntimpurània italiana, metti ‘n scena n’òpira ca esplora la rilazzioni tra corpu e spazziu. Doppu, “Luxa” dâ Fondazzioni New Wave/Collective Hoteloko, n’esibbizzioni putenti ca indaga lu putinziali dî fimmini pi raggiungiri la vera libbirtà.
Lu festival finirà cu Interrelations di Niki&Martin, n’òpira transdisciplinari ca ammisca la danza urbana, lu cìnima e l’arti visiva e lu ritornu ntâ scena di L’espace – Zappulla DMN, ca prisintarà “Love (H)U Man’s Love“, nu mix di ballu, tiatru e mùsica, cu coriografìa e riggìa di Giovanni Zappulla, e la participazzioni di Denny Davì, Roberta D’Ignoti e Annachiara Trigili.
La quarta edizzioni di Dissidanza è n’eventu ùnicu n Sicilia, chi offri nu sguardu innuvativu a l’arti cuntimpurània dâ danza e dû spittàculu. Cu lu supportu di partner mpurtanti comu Curva Minore, Cantieri dâ Zisa, Institut Français e lu supportu di pruggetti europei comu Erasmus Plus e Educare Insieme, lu festival rapprisenta n’opportunità straordinaria pi esplurari la danza ntâ sò forma cchiù nnovativa e coinvolgenti.
