Lu tinnu sta pi alzàrisi supra lu “Lato A” dâ terza edizzioni dû BaRock Festival, l’eventu musicali ca trasforma Chiazza Armerina nta n’incrociu di cuntaminazzioni tra musica clàssica e rock. Dô 25 aprili ô 4 maggiu, la città patrimoniu di l’UNESCO di Enna ospitarà la prima parti di chistu festival unicu, cu nu prugramma chinu di eventi ‘nmincabbili ca prisintarànu artisti di fama ntirnazziunali. Nu rituali musicali longu e festivu prontu a ‘ncantunari lu pùbbricu nta l’ambientazzioni affascinanti dâ città dê musàici, unni lu putiri dâ musica clàssica s’incontra cu l’energìa dô rock.
Na festa, dui ànimi
Comu nu discu di vinili di n’àutra època, lu BaRock Festival è spartutu nta dui mumenti distinti: “Lato A”, prugrammatu dô 25 àprili ô 4 maggiu, e “Lato B”, ca si svolgi dô 30 maggiu ô 2 giugnu. Cu cchiù di 15 eventi comu cuncerti sinfònici, di càmira e pop-rock diffusi ntâ sei splèndidi posti dâ città, chista terza edizzioni prumetti di supirari li successi di prima. La manifistazzioni, urganizzata e prumuvuta dû Cumuni di Chiazza Armerina, vanta la dirizzioni artìstica di dui sperti dû sitturi: Davide Alogna, viulinista e diritturi dû festival di Como Classica, pâ parti clàssica, e Georgia Lo Faro, mpurtanti manager siciliana ntâ scena artistica e musicali, pâ sizzioni rock.
Davide Alogna
«Sarà un’edizione densa di appuntamenti imperdibili per la presenza di artisti eccelsi e per la bellezza delle proposte musicali, tra cui due prime esecuzioni assolute commissionate dal BaRock Festival» dichiara Davide Alogna.
Siamo felici ed orgogliosi di annunciare questo evento unico al mondo, in una delle città italiane più note, autentico gioiello dell’entroterra siciliano, patrimonio dell’UNESCO, dove gli stili medievale, barocco e normanno convivono.
Lu prugramma di lu “Lato A”
Venniridìa 25 aprili – L’inaugurazzioni
La cirimonia d’apirtura si farà ô Tiatru Garibaldi ê 21:00, cu Manuel Tévar diriggenti I Musici del Teatro â Scala, ‘n diàlugu cu Davide Alogna ô viulinu e Simonide Braconi, prima viola sulista dû Tiatru dâ Scala. Lu prugramma cumprenni la prima munniali di Suite Rock Island di Daniele Fabio, siquita di Sinfonia Concertante di Mozart pi violinu e viola K 364 e Divertimento di Alessandro Rolla pi viola e orchestra BI330.
Sàbbatu 26 d’Aprili – Cuncertu “DiVino”
A li 19:00, lu Museo Trigona ospita nu cuncertu ‘mbriacanti cu n’eccizziunali triu a cordi: Davide Alogna, Simonide Braconi e Sandro Laffranchini, primu violuncellu sulista dô Tiatru dâ Scala. L’eventu sarà pricidutu di nu viaggiu emutivu cu degustazzioni di vini nativi e cumprenni la prima esibizzioni di “Sogno di terra nuova” di Sandro Laffranchini.
Duminica 27 Aprili – Di Madrigalisti a Jimi Hendrix
Ntâ Bibbliuteca Cumunali, ê 19:00, lu duo cumpostu di Giulio Tampalini e Daniele Fabio pruponirà nu viaggiu musicali ca s’attrova ntê sèculi, dî madrigalisti rinascimintali a Jimi Hendrix, passannu attraversu la Metallica e àutri petri miliari dâ musica rock.
Lunidìa 28 Aprili – “Un Stradivari per Paganini e i Beatles”
Aiman Mussakhajayeva
Ntô Tiatru Garibaldi, ê 21:00, si esibirà Aiman Mussakhajayeva, “viulinista d’oru” pâ Deutsche Grammophon e artista di l’UNESCO pâ Paci, accumpagnata di l’Orchestra dû Tiatru Cilea diriggiuta di Michele Patuzzi, nta nu viaggiu eclètticu tra Paganini e li Beatles.
Martedìi 29 Aprili – Due liggenni dâ musica di càmira
Bruno Canino
Sempri ô Tiatru Garibaldi, ê 21:00, si esibirànu dui liggenni dâ musica di càmira: Anton Niculescu, ex primu violuncellu sulista a La Scala, e Bruno Canino ô chianuforti, cu nu prugramma ca va di Beethoven ô Castelnuovo-Tedesco.
Mercuridìa 30 Aprili – “Di Bach a Led Zeppelin”
 li 19:00, la Chiesa di San Petru ospita Paolo Oreni cu lu sò “Wanderer”, lu cchiù granni organu mòbbili ca esisti, e lu pianista Alessandro Marangoni, nta nu ripirtoriu ca va di Bach a Led Zeppelin, cu mpruvisazzioni supra a tema rock suggirìti dû pubblicu.
Jovedì 1 maiu – “Bohemian Fantasy”
Giuseppe Andaloro
Ntô Teatro Garibaldi, ê 21:00, l’Orchestra da Camera Fiorentina diriggiuta di Giuseppe Lanzetta e dû pianista Giuseppe Andaloro rindirà omaggiu ê Queen ‘n chiavi sinfònica, cu canzuni icònichi comu “Bohemian Rhapsody” e “We Will Rock You”.
Venniridìa 2 di maiu – Gli Zero Assoluto
Zero Assoluto
Ntâ Chiazza Falcone e Borsellino, ê 21:00, si esibirànu li Zero Assoluto, prutagunisti dû pop italianu di l’anni 2000. A li 18:00, lu spazziu sarà datu a l’artisti emergenti dâ città.
Sàbbatu 3 di maiu – Sicily Stars e Sugarfree
Sugarfree
Sempri ntâ Chiazza Falcone e Borsellinu, a pàrtiri dî 18:00, lu palcu sarà didicatu ê “Sicily Stars” cu artisti comu Peppone Tomaselli, Romano Bros, Taverna Umberto I, Colorindaco e Pineals. A li 21:00, ospiti spiciali Sugarfree, cèlibbri pi successi comu “Cleptomania” e “Solo lei mi dà”.
Duminica 4 maggiu – Granni Finali
Giulia Mei
La chiusura du “Lato A” avveni ntâ Biblioteca Comunali cu li Swinggrowers ê 20:30 e, ê 22:00, lu pop raffinatu di Giulia Mei, cantautrici e pianista palermitana, vincitrici dû premiu dî crìtici a Voci per la libertà – Amnesty International 2024.
Aspittannu lu “Lato B”
Lu viaggiu musicali non finirà ccà. Dû 30 di maiu nzinu ô 2 di giugnu, lu “Lato B” dû festival purterà ‘n palcu lu Vivaldi Metal Project, Rock City Tribe e Godz of Rock di Chris Catena (30 di maiu), Francesco Renga cû sò tour “Angelo-Venti” (31 di maiu), PFM nta na data spiciali cu l’Orchestra Tiatrali Cilea (1° giugnettu) e li Bambole di Pezza (2° giugnettu).
Nfurmazzioni utili
Tutti li manifistazzioni si svolgirannu nta sei posti diversi ntô cori di Chiazza Armerina: lu Tiatru Garibbaldi, lu Museu dû Palazzu Trigona, la Bibbliuteca Cumunali, la Chiesa di San Petru, e la chiazza Falcone e Borsellino e la Cattidrali. Li biglietti pî cuncerti ô Tiatru Garibaldi sunnu dispunìbbili ‘n anticipu attraversu lu situ ufficiali dû festival, mentri l’eventi ntê piazzi sunnu gratuiti nzinu a quannu nun sunnu pigghiati tutti li posti.
Pi nfurmazzioni e prenotazioni putiti chiamari lu +39 350 5731282, visitari lu situ web o seguiri li canali suciali ufficiali: Facebook, Instagram e TikTok.
Nun pèrdiri sta straurdinaria opportunità pi mmirgirisi nta n’espirienza musicali senza pricidenti, unni li noti dî granni cumpusituri clàssici s’intreccianu cu li riff elittricanti dû rock, nta nu dialugu cuntinuu tra tradizzioni e nnovazzioni. Lu “Lato A” dû BaRock Festival rapprisenta n’eventu ‘mmircabbili pi tutti l’amanti dâ musica ca vulìssiru scopriri comu li gèniri apparentimenti luntani si ponnu ammiscari armuniusamenti ntô cori pulsanti dâ Sicilia, circunnatu di l’antica biddizza di Chiazza Armerina.
