Lu putiri dâ musica clàssica si unisci cu l’energia trabbuccanti dô rock ntâ terza edizzioni dô Festival BaRock, l’eventu ca trasfurmarà Chiazza Armerina nta nu palcu musicali eccizziunali. Urganizzatu dô Cumuni, chistu eventu coinvolgi la città dê musàici pi 14 jorna distribbuiti ‘n manera stratèggica ntra li fine simana longhi dâ primavera dô 2025.
Nu festival di eccillenza musicali
La splèndida cità siciliana, canusciuta pâ Villa Romana del Casale, patrimoniu di l’UNESCU, addivintarà nu puntu d’incontru pi artisti nternazziunali dû munnu dâ mùsica clàssica, dû rock e dû pop. Chist’annu, la dirizzioni artìstica è affidata a dui pirsunaggi mpurtanti dû panurama musicali: Davide Alogna, viulinista e diritturi artìsticu dû Festival Como Classica, e Georgia Lo Faro, manager siciliana di nota ntô sitturi artìsticu talianu.
“Il BaRock Festival rappresenta un’opportunità straordinaria per Piazza Armerina, che diventerà per il terzo anno consecutivo il palcoscenico di un evento musicale unico, capace di attrarre un pubblico eterogeneo” lu sinnacu Nino Cammarata dichiarò cu entusiasmu, suttaliniannu comu chista iniziativa si sta cunsulidannu comu n’eventu culturali ‘nmincabbili ntâ scena musicali taliana.
Lu prugramma: nu viaggiu attraversu li gèniri e li cuntaminazzioni
Lu prugramma di chista edizzioni è particularmenti riccu e variu, cu cchiù di 15 eventi e 25 ospiti ca si esibirànu nta sei posti sparsi ntô ncantu centru stòricu di Chiazza Armerina.
Li spittaculi vannu dâ musica antica â musica cuntimpurània, criannu cunnissioni inaspittati tra munni sonori apparentimenti luntani. Inoltri, lu festival rindirà tribbutu a liggenni comu Jimi Hendrix, li Beatles, li Queen e li Led Zeppelin. Particularmenti attìsa è la prisintazzioni di dui primi munniali ordinati apposta pô Festival BaRock: una cumpusizzioni di Sandro Laffranchini e l’àutra di Daniele Fabio, chitarrista e cumpusituri jazz.
Dui lati, nu granni eventu
La vera novità di chist’annu riguarda la struttura dû festival, comu spiegatu di Ettore Messina, vicesinnacu, cunsigghieri pâ Cultura e lu Turismu, oltri ca criaturi di l’eventu ntô 2023: “La terza edizione rappresenta l’evoluzione del Festival, strutturato in due ‘lati’, in due momenti differenti, proprio come un vecchio vinile 45“.
Lu “Lato A”, dô 25 aprili ô 4 maggiu, metti n risaltu li cuntaminazzioni tra clàssicu e mudernu, unni l’orchestri sinfònici esibirànu canzuni rock. Succissivamenti, lu “Lato B”, dû 30 di maiu ô 2 di giugnu, dunarà spazziu ê spittaculi cchiù enirgètichi dû festival cu li veri stiddi dû rock. “Puntiamo in alto” agghiunci Messina, “con l’obiettivo di conferire all’evento un respiro decisamente internazionale“.
Na lista stiḍḍari
Lu prugramma dû Festival BaRock 2025 brilla cu nomi pristìggiusi. Ntô frunti clàssicu, si distinguunu li Musici del Teatro alla Scala diriggiuti di Manuel Tévar, l’Orchestra da Camera Fiorentina ‘n furmazzioni sinfònica diriggiuta di Giuseppe Lanzetta e l’Orchestra dû Teatro Cilea guidata di Michele Patuzzi.
Ntra li sulisti di fama mundiali ca si esibirànu ci sunnu Aiman Mussakhajayeva (artista di l’Unesco pâ paci), Giuseppe Andaloro (premio Busoni), Bruno Canino, Anton Niculescu, Giulio Tampalini, Daniele Fabio, Simonide Braconi (prima viola sulista di La Scala), Sandro Laffranchini (primu violuncellu sulista di La Scala), Davide Alogna, Paolo Oreni e Alessandro Marangoni.
Ntô latu rock e pop, lu festival prisintarà la ligginnària PFM (Premiata Forneria Marconi) cu lu sò novu tour “Doppia traccia”, ca abbilitamenti ammisca li successi dû gruppu cu chiddi di Fabrizio De André. N particulari, PFM si esibirà nta na data spiciali accumpagnata di l’Orchestra dô Teatru Cilea sutta la dirizzioni di Brunu Santori, figura chiavi dô Festival e di l’Orchestra Sinfònica di Sanremu.
Li soni pop/rock di Zero Assoluto, Sugarfree, Giulia Mei e Swingrowers arricchisciunu ultiriurmenti lu prugramma. Ntô stissu tempu, nu granni spazziu sarà didicatu ê gruppi emergenti, valurizzannu accussì li novi ginirazzioni musicali. Tra chisti, Bambole di pezza, Godz of Rock (feat. Marcello, Hoekstra, Starr, Leven), Vivaldi Metal Project e Chris Catena’s Rock City Tribe s’arrifirisciunu ô palcu.
Nfurmazzioni utili
Lu Festival BaRock offri n’opportunità unica pi mmergirisi simultaniamenti rintra la biddizza architittonica di Chiazza Armerina mentri si godi di spirienzi musicali di liveddu munniali. Li spittàculi si svolgerunu nta sei posti diversi distribbuiti strategicamenti nta tuttu lu tissutu urbanu, pirmittennu ê visitaturi di scopriri l’anguli cchiù suggistivi di chistu gioiellu sicilianu.
Nun perdiri sta straurdinaria opportunità di assistiri a l’incontru di dui ànimi musicali apparentimenti luntani ma prufunnamenti cunnessi nta l’essenza cchiù pura di l’espressioni artistica! Lu Festival BaRock trasfurmarà di sicuru Chiazza Armerina ntâ capitali dâ musica dâ Sicilia, unni li noti clàssichi e l’accordi rock si mèttinu nta n’armunìa pirfetta ca cuntinuarà a risunàrisi ntê cori dî participanti beni doppu la fini dî spittàculi.
