La 75a edizzioni dû Festival di Sanremu, ca accuminzarà l’11 di frivaru, vidiri nummarusi siciliani acchianari supra lu palcu Ariston, rinnunnu omaggiu â cultura musicali di l’ìsula Tra li co-prisidenti ca s’unìsciunu a Carlo Conti, attruvamu l’icònicu Cristiano Malgioglio, l’attrici e prisentatrici Miriam Leone e l’atturi e còmicu Ninu Frassica, ca purterànu lu sò spiritu vivaci e amichèvuli duranti li sirati.
Ntô cuncursu, Marcella Bella, ca torna ô Festival doppu 18 anni, prisintarà la sò canzuna “Pelle diamanti”, signannu lu sò ritornu comu cantautrici, pâ prima vota cu nu pezzu nun scrittu di sò frati Gianni Bella. La sirata dî cupirtini prisintarà puru un tribbutu â Sicilia: Simone Cristicchi e Amara rintirpretranu “La cura” di Franco Battiato, mentri Marcella Bella purterà supra lu palcu “L’emozione non ha voce” di Adriano Celentano, accumpagnata dî viulinisti giameḍḍi Mirko e Valerio Lucia.
Ntô Primafestival 2025, trasmissu supra Rai 1, Fidiricu e Fabrizziu Sansone cummintaru li sirati dû Festival, dannu nu toccu di urigginalità e allegria â maratona cutiddiàna. Ntô frattiempu, lu prudigiu di sei anni Alessandro Gervasi sta vincennu lu pùbbricu cchî sò abbilità di pianoforti doppu ca vincìu lu Tour Music Fest e attiràu l’attinzioni di l’esperti.
 fini, Pippo Balistreri, riggista stòricu dû Festival, s’occupa di ogni dittagghiu arrè li sceni di cchiù di quarant’anni, cunfirmannu lu sò rolu di “mimòria stòrica” dû Festival, avennu cullabburatu cu liggenni dâ musica ntirnazziunali.
La Sicilia, pirciò, sarà n’àutra vota una dî prutagunisti assuluti di st’edizzioni dû Festival di Sanremu, cu na prisenza chi cèlibbra la sò ricca tradizzioni musicali e culturali.
