Radio Italia Live, l’eventu musicali cchiù attesu di l’astati siciliana, torna a Palermu. L’eventu gratuitu, ca riunisci migghiara di amanti dâ musica, si farà venniridìa 27 giugnu 2025 ô Foro Italico di Palermu. L’annunziu vinni n diretta â radiu, duranti na chiamata tilifònica tra Mario Volanti, edituri e prisidenti di Radio Italia, e lu sìnnacu di Palermu, Roberto Lagalla.
“Saremo a Palermo il prossimo venerdì 27 giugno, per il nostro piacere e spero anche per quello di tutte le persone che saranno al Foro Italico. Saremo felici di poter godere di questa serata di grande musica e di grande unione. È bello tornare a Palermo” dissi Volanti, visibbilmenti entusiasmatu di ripigghiari l’eventu doppu la pausa di l’annu passatu.
Lu sinnacu Lagalla cummintò: “La città è pronta ad accogliere grandi nomi della musica italiana e siamo grati a Radio Italia per aver scelto di tornare a Palermo. Questo evento è una delle vetrine più importanti per la nostra città e, come sempre, ospiterà migliaia di spettatori.”
L’edizzioni dû 2025 prumetti di èssiri ancora cchiù entusiasmanti, ma pi scopriri cu pigghiarà lu palcu ci nni jemu a aspittari na cunfirenza stampa, duranti la quali annuncianu lu cast ufficiali. Ntô frattiempu, lu pùbbricu non pirdi tempu e accumincia già a ‘ndovinari li nomi, circannu di ‘ndovinari li prutagunisti ca si esibirànu nna chista granni cilibbrazzioni musicali.
Pi ricurdari l’ùrtima edizzioni, chiḍḍa dû 2023, li fan dî cuncerti foru furtunati a vìdiri supra lu palcu artisti dû calibru di Ligabue, Blanco, Boomdabash, Diodato, Emma, Marracash, Paola e Chiara, Max Pezzali, Rkomi, Rocco Hunt e tanti àutri.
È l’ura di signari lu 27 giugnu ntô to diariu e di pripararisi pi spirimintari na sirata unica, cu musica ntirissanti, emuzzioni forti e nu spittàculu straordinariu. La magìa di Radio Italia Live è pronta a turnari.
