Palermu si pripara a vibbrari ô ritmu dû swing. Di l’11 ô 13 di aprili 2025, lu golfu suggistivu di Mondellu addiventa lu palcu ntirnazziunali dû Sicilian Swingage Festival, eventu chi prumetti di trasfurmari la capitali siciliana ntâ capitali munniali di sta affascinanti cultura musicali e coriogràfica.
Na festa di mpurtanza nternazziunali
Urganizzatu di l’Asdc Swing Age Palermu cu lu patrunatu dâ Riggiuni Siciliana, Dipartimentu dû Turismu, dû Sport e dû Ntrattinimentu, lu Sicilian Swingage Festival prumetti di èssiri n’eventu nun pircàbbili pi appassiunati, ballirini e musicisti di ogni àngulu dû munnu. La nizziativa, sustinuta macari di sponsor comu “Leto & Adelfio, Assicuratori” e “Gervasi LAB”, trasfurmarà lu stòricu stazzioni praja di Mondellu nta nu vivaci centru di scanciu culturali e cilibbrazzioni artìstica.
Omaggiu a na liggenna: Norma Miller
Chist’annu, l’eventu pigghia nu significatu particularmenti prufunnu, didicannu nu tribbutu spiciali a Norma Miller, canusciuta universalmenti comu “La Riggina dû Swing”, ‘n occasioni di chiḍḍu ca avìa a èssiri lu sò 105° cumpliannu. Sei anni doppu la sò vìsita ‘ndimenticabbili a Palermu, lu festival s’aprirà cu nu tribbutu emutivu ca ritracciarà la vita straurdinaria di chista icona dû swing, sìmmulu di enirgìa, criatività e passioni ca ispirau ginirazzioni di ballirini attraversu lu putiri univirsali dû ballu.
Swing: danza dâ libbirtati e dâ ntigrazzioni
Nun è sulu n’eventu artisticu, ma na festa cu prufunni radici storichi e suciali. Swing, natu ntâ l’anni vinti e trenta ntô quarteri afrumiricanu di Harlem a New York, rapprisintava na forma di risistenza curturali nna n’època signata dâ sigrigazzioni razziali e dâ discriminazzioni. Spazzi comu lu Savoy Ballroom addivintaru sìmmuli di l’integrazzioni, posti unni li nìuri e li janchi putìanu ballari nzèmmula sfidannu li liggi segregazzionisti dû tempu.
La scigghiuta di Palermu comu locu dû festival nun è casuali: rifletti la vucazzioni dâ cità d’accugghiiri culturi diversi e di prumòviri l’inclusioni suciali. Lu swing, natu comu n’espressioni di risistenza contra l’ingiustizzia, ora si trasforma nta na lingua univirsali capaci di unìri genti di tutti li cuntesti e l’etnie.
Vuci istituzzionali
Elvira Amata, Cunsigghiera Riggiunali pû Turismu, lu Sport e l’Intrattinimentu, esprimìu lu sò sustegnu a l’inizziativa: “Condividere anche con il patrocinio dell’Assessorato la prima edizione del Sicilian Swingage Festival nella splendida cornice dell’antico stabilimento balneare di Mondello rappresenta certamente un’ulteriore occasione per arricchire sempre più l’offerta turistica da destinare al territorio“. La cunsigghiera suttaliniò macari comu s’interseca l’eventu “proficuamente segmenti diversi ed integrati, dalla musica, alla danza, ai workshop con uno straordinario omaggio, infine, alla leggendaria Norma Miller“.
Debora Gallarate, Presidenti di Asdc SwingAge Palermo, suttaliniò comu “Palermo, con la sua essenza di crocevia culturale è il luogo ideale per celebrare questo Festival internazionale. Lo swing non è solo ritmo e movimento, ma una vera e propria rivoluzione culturale che ha contribuito a rompere barriere e a promuovere l’uguaglianza“.
N’appuntamentu di nun mancari
Lu Sicilian Swingage Festival prumetti di èssiri n’espirienza immersiva ca unisci l’atmusfera vintage dû jazz câ cultura siciliana ùnica. Tri jorna ‘ntensi di workshop, spittaculi, cuncerti e mumenti di cunnivisiuni ca trasfurmarunu Mondellu nta n’incrociu di culturi e passioni.
Pi scopriri lu prugramma dittagghiatu di l’eventu e scopriri l’artisti e mastri ntirnazziunali ca animanu lu festival, si ponnu seguiri li canali suciali ufficiali supra Instagram, Facebook e TikTok (sicilianswingagefestival). Maggiuri nfurmazzioni sunnu dispunìbbili macari ntô situ ufficiali di l’eventu.
Nun perdiri sta straurdinaria opportunità di mmergirisi nta l’atmusfera vibranti dû swing nta unu di l’ambienti cchiù beddi dâ Sicilia. N’opportunità unica pi ballari supra li brani ca fìciru la storia, cilibbrannu nzèmmula l’eredità di Norma Miller e lu putiri unificanti dâ musica e dâ danza. Lu Sicilian Swingage Festival vi aspetta pi farivi vìviri n’espirienza ‘ndimenticabbili, unni lu passatu e lu prisenti si fùnninu nta nu vortici di enirgìa e criatività.
