Dû 14 ô 16 di dicèmmiru 2024, Sarausa si trasforma ‘n palcu di eccillenza pâ viticultura siciliana câ prima edizzioni di Vinacria – Ortigia Wine Fest. La manifistazzioni, ca si teni ô Antico Mercato d’Ortigia, prumetti na tutali immersioni nta l’universu dû vinu sicilianu, ammiscannu degustazzioni, masterclass e ntuizzioni culturali cu l’obbiettivu di prumòviri la cultura dû biviri cuscienti e di cilibbrari l’eccillenza dû tirritoriu.
Urganizzatu di l’Assuciazzioni Culturali Godot, Vinacria – Ortigia Wine Fest s’offri comu spirènzia ùnica pi l’amanti dû bonu biviri e dâ cultura siciliana. Giada Capriotti e Silvano Serenari, rapprisintanti di l’associazzioni, suttalineanu: “Con Vinacria vogliamo offrire un’esperienza immersiva che permetta non solo di degustare i vini più rappresentativi della nostra isola, ma anche di conoscere le storie, le tradizioni e le persone che si celano dietro ogni calice”.
La manifistazzioni vidi la participazzioni di oltri 60 cantini, spartuti tra li tri vaddi stòrichi siciliani – Val di Mazzara, Val di Noto, Val Dèmone – e n’ària nteramenti didicata ê vini di l’Etna. Accantu a li prutagunisti dû vinu, l’ogghi siciliani sarannu prisenti macari cu cumpagnìi comu Viveretna, Tondo e Sciabacco, e nnuvazzioni comu lu cappucciu biuplàsticu di Ardeaseal. L’Istituto Regionale del Vino e dell’Olio (IRVO) furnirà n’analisi prufunna supra l’ogghiu, cilibbrannu macari lu ricanuscimentu dâ Sicilia comu “Regione europea dell’enogastronomia 2025”.
Nu prugramma chinu di eventi nun percabbili
Tra l’attrazzioni principali, la jurnata inaugurali di sàbbatu 14 di dicèmmiru s’aprirà a l’11:00 câ cunfirenza “VINACRIA – Vino è cultura”, câ participazzioni dû canusciutu vinificaturi e enòlugu Salvo Foti. Seguita dâ prisintazzioni dû libbru “Il mare nasconde le stelle” di Francesca Barra e Remon Karam. Ntô pumiriggiu, lu summelier Alessandro Carrubba cunnucirà na degustazzioni didicata ê vini barocchi dâ Val di Noto, mentri Manlio Giustiniani, espertu di Champagne, cunnucirà na masterclass supra li buḍḍi siciliani.
La dumìnica 15 dicèmmiru, l’attinzioni si sposta versu l’Etna e la sò capacità di prudùciri vini di longa durata comu lu Carricante, lu prutagunista di na masterclass dû matina. Impercabbili è l’incontru cu Marco Reitano, capu summelieri dû risturanti “La Pergola” di Roma, ca approfunnirà lu rolu dû summelieri ntra furmazzioni e cumunicazzioni. La jurnata finirà cu Pietro Russo, enòlugu e Master of Wine, ca parrarà di novi tinnenzi ntâ viticultura.
Lunìi 16 dicèmmiru, didikatu a l’upiratura dû settori Ho.Re.Ca, cumprenni eventi aperti ô pùbblicu comu na degustazzioni cu l’occhi bendati curata di Chiara Allibrio e la prisintazzioni dâ rivista GEN ZED di Federico Graziani. La jurnata si culminarà cu la masterclass “Unconventional: vini siciliani tra custodia e ribellione”.
Nfurmazzioni pràtichi
La manifistazzioni, patrunizzata di istituzzioni lucali e nazziunali, tra cui lu Cumuni di Sarausa, la Riggiuni Siciliana e l’IRVO, è appujata di sponsorizzaturi pristiggiusi comu Unigroup S.p.A. e l’Albergo Palazzo Ortea. L’uri di apertura sunnu di li 16:00 a li 20.30 lu sàbbutu, di li 12:00 a li 20.30 la dumìnica e di li 10:00 a li 18.00 lu lunidìa.
Li biglietti pê degustazzioni e l’accessu ê spazzi di l’Antico Mercato di Ortigia sunnu già dispunìbbili ntô situ ufficiali di l’eventu. Nun perdiri l’opportunità di participari a n’eventu ca prumetti di èssiri già icònicu pi cilibbrari la straurdinaria ricchizza enològgica dâ Sicilia.
