La Sicilia cuntinua a èssiri focu di talenti littirari cû ritornu di “L’Officina del Racconto“, nizziativa culturali c’accumpagna la vintèsima edizzioni dû Premiu Littirariu Ntirnazziunali “Giuseppe Tomasi di Lampedusa”. Lu cuncursu, ca si svolgi nta l’austu a Santa Margherita di Belìci ntâ pruvincia di Girgenti, è cuurdinatu di l’architetta Margherita Cacioppo, numinata ricentimenti capu di l’Istituzzioni “Giuseppe Tomasi di Lampedusa”. N particulari, l’inizziativa è spicificamenti rivolta a studenti di scoli media e superiori e giuvintù ntra li 16 e li 28 anni ntâ zona di Terre Sicane e ntê cumuni vicini espressamenti ‘ndicati, ‘nvitannuli a criari òpiri ispirati a tri pilastri dâ littiratura taliana cu forti ligami cu chista zona dâ Sicilia.
Nu officina criativa ca effurza lu tirritoriu
L’Officina del Racconto nascìu supratuttu cu lu scopu di prumòviri la littura, stimulari la criatività e valurizzari lu patrimoniu artìsticu e culturali dâ Terra Sicana e dâ Valli dû Belìci. Chist’annu, l’inizziativa sta allargannu puru li cunfini, allargannu la participazzioni oltri li cumuni di Santa Marghirita di Belìci, Muntivagu, Sambuca di Sicilia, Menfi e Catabbellotta, pi cumprenniri puru Sciacca, Burgiu, Partanna, Castelvitranu, Gibellina, Salaparuta, Puggiuriali e Santa Ninfa.
“Quest’anno l’Officina aspira a diventare un organismo vitale da arricchire ciclicamente, che dà valore all’attività meritoria svolta da docenti, operatori culturali, autori e autrici, ricercatori” dichiara Margherita Cacioppo.
“Vogliamo che quest’Officina diventi un laboratorio di ricerca appassionata, umana, che scava in profondità anche negli aspetti più intimi degli autori, nei fatti di cronaca e nelle storie mai emerse, di quella Sicilia lontana dagli stereotipi, dai pregiudizi e dai consueti clichè“.
Tri granni autura comu funti d’ispirazzioni
Li participanti ponnu quinni pigghiari ispirazzioni di l’òpiri e dâ vita di tri pirsunaggi littirari mpurtanti c’hannu lassatu na marca nun cancillàbbili ntô tirritoriu sicilianu:
- Giuseppe Tomasi di Lampedusa: lu prìncipi-scritturi, auturi di “Il Gattopardo”, ca ntê sò “Racconti” discrivi Santa Marghirita di Belìci comu lu locu prifirutu dâ sò nfanzia, trasfurmànnulu appoi ntâ Donnafugata dû sò cèlibbri rumanzu postumu.
- Elsa Morante: una dî cchiù granni scrittura dû sèculu XX, li cui urìggini familiari acchiànanu a Santa Marghirita di Belìci, di sò patri Augusto e di sò zii Giuseppe e Caterina. Ntê sò òpiri “Menzogna e Sortilegio” e “Il Soldato Siciliano” (tratta dâ cugghiuta “Lo Scialle Andaluso”), lu paisi sicilianu servi di sfunnu â cuntruversa storia familiari di l’auturi, comu suttaliniatu dû crìticu Garboli.
- Danilo Dolci: sociòlugu, aducaturi, attivista e scritturi ca campau ntê zoni di Belìce colpiti dû tirrimotu dû ’68, cunnucennu accussì battagghi civili mpurtanti pî diritti dî cchiù dèbbuli coinvolti ntâ catastrufi. Tanti dî sò cunti, oggi purtroppu quasi scurdati, sunnu ambientati ntê terri sicani.
Comu participari e règuli pî carti
La participazzioni è spicificamenti aperta ê studenti di secunnu e terzu annu di istituti cumprensivi, studenti di primu, secunnu e terzu annu di istitutu di istruzzioni supiriuri, e ê giuvintù di l’età di 16 a 28 anni esclusivamenti dê tirritori spicificati ca non friquentunu l’istitutu supramenziunati.
Li cannidati ponnu prisintari sulu n’òpira nun pubbricata, chi pò èssiri scritta pi talianu o sicilianu, cu pussìbbili spirimenti linguìstici di ibbridazzioni ntra talianu, sicilianu e/o talianu riggiunali di Sicilia. A stu propositu, li carti ponnu èssiri di tri tipi diversi:
- Saggi/stòrii scritti: ntra 2 e 4 pàggini (na pàggina è equivalenti a 2000 carattari cumprisi li spazzi), ntô carattiri Calibri, testu dû corpu a 12 punti, 1,5 distanzi, cu n’introduzzioni/riassuntu di nu massimu di 400 carattari ca non sunu nchiusi ntô cuntu cumplessivu. Li prisintazzioni hannu a èssiri ‘n furmatu PDF.
- Òpiri scritti illustrati cu mmàggini: di 3 a 6 pàggini cu mmàggini JPEG a àuta risuluzzioni (300 dpi) e di 1 a 2 pàggini di testu, accumpagnati di n’immaggini illustrativa e di n’introduzzioni nzinu a 300 carattari. Lu layout havi a rènniri chiara la rilazzioni ntra testu e mmàggini, cû layout cumpletu mannatu ntô furmatu PDF.
- Storî vìdiu: ponnu èssiri finti o ducumintari, cumposti di siquenzi di mmàggini vìdiu e àudiu mudificati, cu na durata massima di 4 minuti, nta nu furmatu mìnimu di 1920×1080 ‘n posa urizzuntali, cu nu trailer/teaser illustrativu di nu massimu di 60 sicunni. Lu furmatu nicissariu è MP4 o MOV.
È mpurtanti suttaliniari ca l’iniziativa teni cuntu dê principi di l’inclusioni culturali: l’òpiri ponu èssiri prudutti macari nta mudalità espressivi/cumunicativi ntâ Cumunicazzioni Aumintativa e Alternativa (AAC). Ô cuntrariu, li pruduzzioni fatti cu ntiligginza artificiali, doppu èssiri stati virìficati currettamenti di l’esperti e dâ giuria, sunnu esclusi dû cuncursu.
Supportu â ricerca e dati mpurtanti
Pi facilitari la fasi di ducumentazzioni e ricerca, li participanti ponnu visitari Santa Margherita di Belìce liberamenti o accumpagnati di prufissuri. Ccà avrannu la pussibbilità di esplurari li lochi di Giuseppe Tomasi di Lampedusa (Cumplessu Filangeri Cutò, Museu dâ Mimoria, Museu dû Gattopardu, Museu dâ Cira), la Bibbliuteca Cumunali Elsa Morante, e la cità “vecchia” ca cunzerva ancora li restidi lu tirrimotu dû ’68. Inoltri, autri attivitati priliminari pâ pruduzzioni di l’òpiri sunu liberamenti pruposti di l’organizzazioni e ‘ndicati ntê Regolamenti.
Pi quantu riguarda li scadenzi, li scoli e li giuvini ntirissati hannu a cumunicari la sò participazzioni entru lu 30 aprili 2025. Doppu, la scadenza pi l’inviu dê documenti è fissatu ô 30 giugnu 2025 (entru li 12:00). Â fini, la cirimonia di premiazzioni si farà lu 1° austu 2025 a Santa Margherita di Belìce.
Pi nfurmazzioni e iscrizzioni putiti scrìviri a: narrazioni.tomasi@gmail.com
L’annunziu, lu rigulamentu e lu modulu di dumanna sunnu dispunìbbili ntô situ dû Cumuni di Santa Marghirita di Belìci: https://www.comune.santamargheritadibelice.ag.it/2025/03/27/officina-del-racconto-ix-edizione-2025-istituto-premio-internazionale-giuseppe-tomasi-di-lampedusa
N’opportunità ‘npercabbili pî giuvini scritturi
L’Officina del Racconto rapprisenta senza dubbiu n’opportunità straordinaria pê giuvini talenti dâ zona di pruvàrisi ntô campu dâ narrazzioni, esplorannu ô stissu tempu li soi radici culturali attraversu l’òpiri di tri granni maestri dâ littiratura taliana. Nta n’èbbica duminata dâ cumunicazzioni diggitali, sta nizziativa nvita li giuvini a riscupriri lu valuri dâ palora scritta e di l’esprissioni criativa, uffrennucci na piattaforma cuncreta pi dari vuci â sò visioni dâ Sicilia autentica, luntanu dê stiriòtipi.
Dunca, nun pèrdiri st’uppurtunitati di tèniri n cuntattu cû riccu patrimoniu littirariu sicilianu e di cuntribbuiri, chî vostri cunti urigginali, a tèniri vivu lu lijami tra lu passatu e lu prisenti di sta terra straurdinaria. L’Ufficina dû Raccontu vi aspetta pi trasfurmari li vostri idei ‘n narrazzioni capaci di cuntari l’ànima cchiù prufunna dâ Sicilia, siguennu supra li ortri di chiddi ca lu sappianu cuntari cu passioni e viritati.
