Palermu pigghia na svolta cuntimpurania cu “Pinakothek’A”, na mustra d’arti di non mancari pi l’appassiunati. Dô 24 nuvèmmiru 2024 ô 30 marzu 2025, la Funnazzioni Sant’Elia grapi li porti dô Palazzo Sant’Elia pi ospitari chista straurdinaria mustra, ca cumprenni cchiù di 200 capulavori dâ Collezzioni Elenk’Art. Nu viaggiu tra passatu e prisenti ca celebbra l’arti cuntimpurània a Palermu e riunisci òpiri dê granni mastri dô vintèsimu sèculu e di l’ùrtimi tinnenzi ntirnazziunali.
Nu musàicu di criatività ca va dî granni mastri dû vintèsimu sèculu, comu Picasso, De Chirico, Carrà, Morandi, Guttuso, nzinu a l’ùrtimi tinnenza di l’arti cuntimpurània cu artisti di fama ntirnazziunali comu Christo e Jean-Claude, Arienti, Bertozzi & Casoni, Beninati e Lauretta. N’itinerariu espusitivu curatu di Sergio Troisi e Alessandro Pinto, ca offri ô pùbblicu palirmitanu la pussibilitati di scopriri cchiù di nu sèculu di storia di l’arti nta n’unica mustra.
La collizzioni Elenk’Art, stabbilita nta l’urtimi decenni, è nu veru tesoro ca arriunisci cchiù assai di 400 òpiri. Dâ staggiuni artìstica tra li dui guerri munniali, a l’astrazzioni italiana e nfurmali, dâ galassia europea a l’ùrtimi spirimenti, Pinakothek’A è nu viaggiu senza pricidenti chi attraversa li principali muvimenti e prutagunisti dû vintèsimu sèculu.
Ma nun sulu chissu, la mustra didica anchi spazziu â scena d’arti siciliana cuntimpurània, cu òpiri di artisti comu Bazan, De Grandi, Di Marco, Di Piazza, Franzella, Longo, Beninati, Buglisi, Iudice e Lauretta, tistimuniannu la vitalità di nu cuntestu ca s’evolvi sempri.
Palazzo Sant’Elia, nu gioiellu architittònicu ntô cori di Palermu, ospita st’eventu nun mircabbili dû martidìa â dumìnica, dî 9:00 ê 20:00, cu l’ùrtima trasuta ê 19:00. Pi cchiù nfurmazzioni, vìsiti lu situ ufficiali.
Non perdiri l’opportunità di mmergirisi nta nu viaggiu appassiunanti attraversu l’arti cuntimparània. Pinakothek’A vi aspetta a Palermu, pronta a maravigghiari e ‘ncantari lu pùbblicu cû sò priziosu tesoro di capulavori.
