Finalmenti arrivàu la data attìsa: Il Gattopardo, la serii eventu ispirata ô capulavuru di Giuseppe Tomasi di Lampedusa, dibuttarà lu prossimu 5 marzu esclusivamenti su Netflix. Accumpagna l’annunziu lu manifestu ufficiali, ca rivela li facci dî prutagunisti. Guidatu di Kim Rossi Stuart, ca interpretra Don Fabrizio Corbera, prìncipi di Salina, attruvamu Benedetta Porcaroli ntô rolu di Concetta, Deva Cassel ntô rolu di Angelica e Saul Nanni ntô rolu di Tancredi. Lu cast è cumplitatu di Paolo Calabresi, Francesco Colella, Astrid Meloni e Greta Esposito. La produzzioni prumetti di èssiri unu dî granni eventi televisivi di l’annu.
Girata tra Palermu, Sarausa, Catania e Roma, la serii è cumposta di sei episudi. Purta la firma di Richard Warlow, criaturi e prudutturi esecutivu, sustinutu di Benji Walters. La riggìa è affidata a Tom Shankland, cu Giuseppe Capotondi e Laura Luchetti ca diriggìunu rispittivamenti lu quartu e lu quintu episòdiu. Prodottu di Indiana Production e Moonage Pictures, chista nova ntirpritazzioni dû clàssicu italianu prumetti di èssiri na storia èpica e sinsuali. Esplorarà cu n’occhiu mudernu li granni temi dâ storia urigginali: lu putiri, l’amuri e lu costu dû prugressu.
Sta serii è nu tribbutu ô rumanzu di Tomasi di Lampedusa, pubblicatu ntô 1958. Cunsidiratu unu dî capulavori dâ littiratura taliana, lu libbru cattura cu na rara prufunnità li cuntraddizzioni e li canciamenti dâ Sicilia dû XIX sèculu. Havi già ispiratu lu cèlibbri film dû 1963 di Luchino Visconti, cu Burt Lancaster, Claudia Cardinale e Alain Delon, vincituri dâ Palma d’Oro ô Festival di Cannes. Ora, cu chista nova traspusizzioni, Il Gattopardo si pripara a cunquistari na nova ginirazzioni di spittaturi. La serii cummina la fidiltà a l’òpira urigginali e nu linguaggiu visivu cuntimpuraniu.
‘N particulari, li custumi, criati di Carlo Poggiuli e Eduardo Russo, e li scenografìi di Dimitri Capuani ricrìanu l’atmusfera ùnica dû pirìudu stòricu. La mùsica urigginali di Paolo Buonvino prumetti di purtari lu spittaturi nta nu viaggiu appassiunanti pâ Sicilia di ieri e d’oi.
Dunca, ci arrista sulu di signari la data ntô calindariu: Il Gattopardo arrivarà su Netflix lu 5 marzu. La seri è pronta pi scintillari cu na storia senza tempu.
