La Valli di Belìce, ntô cori dâ Sicilia, vivi nu pirìudu di trasfurmazzioni forti, cu firmimentu culturali, suciali e ecunòmicu criscenti Grazzî a nizziativi comu lu pruggettu Civabe (Alimintari dâ Vaddi Belìci) e ô ricanuscimentu di Sambuca di Sicilia comu unu dî cchiù beddi paisi d’Italia, la riggiuni sta attirannu nvistimenti e turisti di tuttu lu munnu.
Ntô 2023, Menfi fu pruclamata capitali taliana dû vinu, mentri Gibellina fu scigghiuta comu capitali di l’arti cuntimpurània pû 2026, signu di ntiressi criscenti pâ zona.
Alessandro La Grassa, dirittùri dû GAL (Gruppo di azione locale) “Valli del Belìce”, suttuliniò l’impurtanza di attirari li nomadi diggitali, ca rapprisèntanu n’opportunità pû futuru dû tirritòriu. Cu cchiù di 35 miliuni di travagghiaturi remoti ntô munnu, la Valli di Belìce havi tutti l’elementi pi addivintari na destinazzioni idiali pi chiḍḍi ca cercunu na qualità di vita, nu bonu manciari e n’ambienti tranquillu pi travagghiari.
Lu pruggettu Civabe voli migghiurari la tradizzioni agrìcula lucali, prumuvennu lu manciari Belìce comu sìmmulu di qualità, saluti e sustinibbilità.
La Valli del Belìce chi cancia facci
Cu na forti identità tirrituriali e l’attrattiva di n’ambienti naturali intattu, la Valli del Belìce si pripara a addivintari nu puntu di rifirimentu pi chiḍḍi ca cercunu n’alternativa ê città granni, cû putinziali pi addivintari na destinazzioni idiali puru pî nomadi diggitali.
Inoltri, la valli di Belìce sta suffrennu nu granni rinnovamentu grazzi a pruggetti comu la pista ciclista di Belìce. L’ex linia firruviaria Partanna-Salaparuta sarà trasfurmata nta na pista ciclistica, cumminannu la sustinibbilità e l’ecuturismu. Li travagghi, dô valuri di 807.439,98 euro, foru cuntrattati â cumpagnìa “Zab Costruzioni” e hannu a èssiri cumplitati entru lu 30 giugnu. Stu pruggettu, finanziatu dû Assessoratu riggiunali di l’agricultura, coinvolgi 30 km dâ ferruvìa vecchia e cumprenni puru lu ricupiru di nu trattu già adattu pô ciclismu a Menfi.
